၂၀၂၃ ခုနှစ် မေလ (၂၅)ရက်နေ့ ယမန်နေ့ညက စစ်ကိုင်းတိုင်းဒေသကြီး ဗန်းမောက်မြို့နယ်၊ နောင်ကန်ရွာနှင့်ကြောင်လည်ရွာကို စစ်ကောင်စီတပ်မှ လေကြောင်းတိုက်ခိုက်မှုပြုလုပ်ခဲ့ကြောင်း သိရသည်။
အဆိုပါ လေကြောင်းတိုက်ခိုက်မှုမတိုင်ခင် ကြောင်လည်ရွာအနီး၌ စစ်ကောင်စီတပ်နှင့် ဒေသခံကာကွယ်ရေးတပ်တို့ တိုက်ပွဲများ ဆက်တိုက်ဖြစ်ပွားလျက်ရှိသည်။ ထို့ကြောင့် ယမန်နေ့ညက စစ်ကောင်စီတပ်မှ လေကြောင်းတိုက်ခိုက်မှုပြုလုပ်ခဲ့ပြီး ဒေသခံ အရပ်သား(၂)ဦး သေဆုံးခဲ့သည်ဟုဆိုသည်။
သေဆုံးသူများသည် အသက်(၆၀)ကျော် အမျိုးသားတစ်ဦးနှင့် အသက်(၃၀)ကျော် အမျိုးသမီးတစ်ဦးဖြစ်ကြောင့် ဒေသသတင်းအရင်းအမြစ်များ၏ ယနေ့ဖော်ပြမှုအရ သိရသည်။
ဗန်းမောက်မြို့အနီး အင်းတော်မြို့နယ်အတွင်းတွင်လည်း တိုက်ပွဲများဖြစ်ပွားလျက်ရှိပြီး စစ်ကောင်စီတပ်ဖွဲ့ဝင် (၂၀)ဦးကျော် သေဆုံးနိုင်ကြောင်း ဒေသခံကာကွယ်ရေးအဖွဲ့များက ဖော်ပြထားသည်။ အင်းတော်မြို့နယ်တိုက်ပွဲတွင် ဒေသခံကာကွယ်ရေးတပ်ဖွဲ့ (၂)ဦး ကျဆုံးခဲ့ကြောင်း သတင်းရရှိသည်။