အမျိုးသမီးခရီးသည်တဦး ထိုင်းနိုင်ငံ၊ ဗန်ကောက်က ဒွန်းမိန်း နိုင်ငံတကာလေဆိပ်အတွင်း စက်လှေကားလျှောက်လမ်းပေါ်တွင် မတော်တဆဖြစ်ကာ ဘယ်ခြေအောက်ပိုင်း ဆုံးရူံးသွားကြောင်း ထိုင်းသတင်းများက ယနေ့ ဖော်ပြခဲ့ကြပါသည်။
၎င်း၏ ခရီးဆောင်လက်ဆွဲသေတ္တာကို ခလုတ်တိုက်မိပြီး ဘယ်ခြေအောက်ပိုင်း စက်လှေကားလျှောက်လှမ်းထဲညှပ်ပါသွားခြင်းကြောင့်ဟု သိရသည်။
ယမန်နေ့နံနက် ၈း၃၀ ခွဲဝန်းကျင် ဂိတ် ၄ နှင့် ဂိတ် ၅ ကြားရှိ စက်လှေကားလျှောက်လမ်းပေါ်၌ မတော်တဆဖြစ်ပွားခဲ့၍ ဘယ်ခြေအောက်ပိုင်း ဆုံးသွားခဲ့ရကြောင်း လေဆိပ်မန်နေဂျာ Karant Thanakuljeerapat က ဘန်ကောက်ပို့်စ်ကို ဖြေကြားထားသည်။
အဆိုပါအမျိုးသမီးသည် ဗန်ကောက်မှ နခွန်းဆီထမရတ်လေဆိပ်သို့ သွားမည့် ခရီးသည်ဖြစ်သည်ဟုသိရသည်။
ယင်းစက်လှေကားလျှောက်လမ်းများ ၂၀ နီးပါးရှိပြီး ဂျပန်ကုမ္ပဏီ Hitachi က ၁၉၉၆ ခုနှစ်၌ တပ်ဆင်ပေးခဲ့သော စက်လှေကားလျှောက်လမ်းများဖြစ်သည်။
ဆေးကုသစရိတ်အတွက် လေဆိပ်မှ အပြည့်အဝတာဝန်ယူပေးသွားမည်ဖြစ်ပြီး ဖြစ်ပွားရသည့်အကြောင်းအရင်းကိုလည်း အသေးစိတ် စိစစ်သွားမည်ဟု သိရသည်။
Ref: Bangkok post, Khasod, Matichon