ယနေ့ ၂၀၂၃ ခုနှစ်၊ မတ်လ ၂ ရက်နေ့ နံနက် ၁၁ နာရီမှစပြီး မွန်းလွဲပိုင်း ၂ နာရီဝန်းကျင်ထိ SSPP တပ်ဖွဲ့ဝင် အင်အား ၁၀၀ ကျော်ခန့်က သျှမ်းတောင် ကွန်ဟိန်းမြို့၊ နမ့်တွတ်ဝန်းကျင်ရှိ RCSS တပ်ဖွဲ့ဝင်များကို လာရောက် ထိုးစစ်ဆင် ပစ်ခတ်တိုက်ခိုက်ခဲ့သည်ဟု Tai Freedom စာမျက်နှာကတဆင့် သိရသည်။
“ ကွန်ဟိန်းမြို့နယ်က RCSS အခြေစိုက်ထားတဲ့နယ်မြေဒေသတခုဖြစ်ပါတယ်၊ သူတို့ဘက်က နယ်မြေထိုးဖောက်လာတာပါ” ဟု ဗိုလ်မှူး စိုင်းခမ်းစံက Hsan Loi Voice ကို ပြောပါသည်။
နမ့်တွတ်ရွာခံ မည်မျှထွက်ပြေးတိမ်းရှောင်ရကြောင်း စုံစမ်းမေးမြန်းကြည့်ရာ နယ်မြေခံအချို့နှင့် ဆက်သွယ်၍ မရသေးကြောင်း ကွန်ဟိန်းမြို့ခံ တဦးက ပြောပါသည်။