သျှမ်းပြည်နယ်မြောက်ပိုင်း ကျောက်မဲမြို့နယ် နမ့်ဟူးပန်စုံကျေးရွာတွင် နေထိုင်သော ဒေါ်နန်းခမ်းရွှေ (၄၅) နှင့် သမီးဖြစ်သူ နန်းမိုခမ်း (၂၃) နှစ်သည် ယနေ့ နိုဝင်ဘာလ (၁၇) ရက်နေ့ နံနက်ပိုင်းခန့်၌ တောယာခုတ်သွားနေစဉ်အတွင်း ဓားခုတ်ခံရပြီး သေဆုံးခဲ့ကြောင်း သိရသည်။
ကမ်းလင့်လက်များ လူမှုကူညီရေးအသင်း(နောင်
ပိန်)၏ ဖော်ပြထားမှုအရ သမီးဖြစ်သည် နံနက်
အစောပိုင်းကစပြီး တောင်ယာသို့ ပြောင်းချိုးသွားခဲ့ကြောင်း နောက်တစ်နာရီခန့်အကြာ အမေဖြစ်သူက ထမင်းဟင်းချက်ပြုတ်ပြီး တောင်ယာသို့လိုက်သွားခဲ့သည်ဟုဆိုသည်။ နေ့လည်(၁၁) နာရီတွင် ဒေါ်နန်းခမ်းရွှေ၏ အမျိုးသားဖြစ်သူက တောင်ယာသို့လိုက်သွားချိန် သမီးဖြစ်သူနှင့် ဇနီးဖြစ်သူ ဓားဖြင့် ခုတ်ခံရပြီး သေဆုံးနေသည်ကို တွေ့ရှိခဲ့ခြင်းဖြစ်ကြောင်း သိရသည်။
အမျိုးသမီး(၂)ဦးကို ဓားဖြင့်ခုတ်သတ်သွားသော တရားခံအား ရှာဖွေနေဆဲဖြစ်ပြီး (၂) လောင်းပြိုင်လူသတ်မှုဖြစ်ပွားသော ဒေသသည် SSPP/SSA အဖွဲ့၏ လှုပ်ရှားရာဒေသဖြစ်ကြောင်း သတင်းရရှိသည်။