ယနေ့ နံနက် (၅) နာရီဝန်းကျင်ခန့်က စတင်ပြီး သျှမ်းပြည်နယ်မြောက်ပိုင်း ကျောက်မဲမြို့နယ် ငြိမ်းချမ်းရေးကုန်းဘုရားအနီး နှင့် ကျောက်မဲ-နောင်ချို ကားလမ်းမကြီး စခန်းသာရွာတောင်ဘက်၌ စစ်ကောင်စီတပ်နှင့် TNLA တို့ အပြန်အလှန် ပစ်ခတ်တိုက်ခိုက်နေပြီဖြစ်သည်။
“ မနေ့ညကတည်းက (၂) ဖက်လုံးတင်းမာပြီး ချိန်နေကြတာ တိုက်ပွဲဖြစ်မှာစိုးလို့ ပြည်သူတွေတော့ ကြောက်ကြောက်နဲ့အိပ်ရတာပေါ့။ ဒီမနေ့ အစောတော့ လက်နက်ကြီး လက်နက်ငယ်အသံတွေနဲ့ နိုးလာရပြီ။ ကျောက်မဲမနက်ခင်းဈေးလည်း သိမ်းနေကြပြီ။ အသံတွေကတော့ ငြိမ်းချမ်းရေးကုန်းဘက်မှာ ဆက်တိုက်ထွက်နေတယ်။” ကျောက်မဲဒေသံတစ်ဦးကပြောသည်။
လက်နက်ကြီး လက်နက်ငယ်အပြင် ဒရုန်းများအသုံးပြုတိုက်ခိုက်နေကြပြီး လက်ရှိသတင်းတင်ဆက်ချိန်အထိ တိုက်ပွဲပြင်းထန်နေသည်။