ကျပ် ၂ သောင်းတန်ထုတ်မည်ဟု သတင်းများထွက်ပေါ်ပြီးနောက် အိမ်စီး ကားဈေးများ ခုန်တက် 

ယနေ့ ကားအရောင်းအဝယ် ဂရုအုပ်စုများတွင် ငွေကြေးဖောင်းပွမှုဂယက်ကြောင့် ဆီစားနည်းသော အိမ်စီးကားဈေးများ မြင့်တက်လာနေသည်ကို တွေ့မြင်ရပါသည်။

Honda fit/Civic/Insight 1.3 CC နှင့် 1.5 CC အိမ်စီးကား အမျိုးအစားများထဲမှ ၂၀၀၈ ခုနှစ်ကား ဈေးနှုန်းများသည် သိန်း ၄၀၀ ကျော် ၅၀၀ ဝန်းကျင်ထိ ပေါက်ရောက်နေပြီး ၂၀၁၃-၂၀၁၄ ခုနှစ်ထုတ် GP1/GK3/4 အမျိုးအစားများ သိန်း ၉၀၀ ကျော်ထိ မြင့်တက်လာသည်ကို တွေ့ရသည်။

Suzuki ciaz၊ Suzuki Swift နှင့် Suzuki Ertiga ကားသစ်များသည် ယခင်က သိန်း ၄၀၀ ဝန်းကျင်မှ ယခု သိန်း ၈၀၀-950 ကျော်ထိ (မော်ဒယ်အလိုက်) မြင့်တက်လာပါသည်။

၎င်းကားများနှင့် သိပ်မသိမ်းမယိမ်းဖြစ်သည့် Nissan Note၊ Mazada demio၊ Toyota fielder၊ Passo များလည်း ဈေးသိပ်မကွာပါ။

Probox၊ AD Van၊ Nissan windroad တို့သည်လည်း အကြမ်းခံပြီး ဆီစားသက်သာသဖြင့် မြန်မာပြည်၌ မိသားစုစီးနှင့် အဝေးပြေးခိုင်းသော လူကြိုက်များသည့် ကားအမျိုးအစားတမျိုးဖြစ်ပြီး သိန်း ၅၀၀ ဝန်းကျင်ထိ ရောက်ရှိနေသည်ကို တွေ့ရပါသည်။