ဆင်းရဲနွမ်းပါးမှု၊ ခွဲခြားဆက်ဆံမှု၊ ပဋိပက္ခ၊ ရွေ့ပြောင်းနေထိုင်နေရမှုနဲ့ သဘာဝဘေးအန္တရာယ်တွေ ကြောင့် ကမ္ဘာတစ်ဝှမ်းက ကလေးငယ်နဲ့ လူငယ်ပေါင်း ၂၇၂ သန်းဟာ ပညာသင်ကြားခွင့် ဆုံးရှုံးနေရ တယ်လို့ ကုလသမဂ္ဂ က ဆိုပါတယ်။
ဒီကနေ့ ဇန်နဝါရီလ ၂၄ ရက်နေ့မှာ ကျရောက်တဲ့ နိုင်ငံတကာ ပညာရေးနေ့မှာ အစိုးရများ၊ မိတ်ဖက်အဖွဲ့အစည်းများနဲ့ အလှူရှင် နိုင်ငံများအနေနဲ့ မိမိတို့ရဲ့ မူဝါဒတွေ၊ ဘတ်ဂျက်တွေနဲ့ ပြန်လည်ထူထောင်ရေး ကြိုးပမ်းမှု စတဲ့ လုပ်ငန်းစဥ်တွေမှာ ပညာရေးကဏ္ဍကို ဦးစားပေး ဆောင်ရွက်ရန် ကုလသမဂ္ဂ အတွင်းရေး မှူးချုပ် အန်တိုနီယို ဂူတာရက်စ် က တိုက်တွန်းထားပါတယ်။
ဒါ့အပြင် ပညာသင်ကြားခွင့်၊ အရည်အသွေးနဲ့ နည်းပညာဆိုင်ရာ ကွာဟချက်တွေ မရှိစေဖို့နဲ့ လူငယ်တိုင်း သူတို့ ရရှိပိုင်ဆိုင်ထိုက်တဲ့ အနာဂတ်ကို ပိုင်ဆိုင်နိုင်စေဖို့အတွက် အတူ ဆောင်ရွက်ကြရမယ်လို့ ဆိုပါတယ်။
မြန်မာနိုင်ငံမှာတော့ စစ်တပ်က အာဏာသိမ်းပြီးတဲ့နောက်ပိုင်း ဖြစ်ပေါ်လာတဲ့ နိုင်ငံရေးပဋိပက္ခတွေကြောင့် ကျောင်းသားလူငယ်တွေရဲ့ ပညာရေးအပေါ် သက်ရောက်မှုများစွာရှိနေပါတယ်။
ပညာသင်ကြားခွင့်ဟာ အခြေခံလူ့အခွင့်အရေးတစ်ခု ဖြစ်တယ်လို့ ကုလသမဂ္ဂ က ပြဋ္ဌာန်းထားကာ ပညာရေးနဲ့ ပတ်သက်ပြီး အလေးထားနိုင်ဖို့အတွက် ငြိမ်းချမ်းရေးနဲ့ ဖွံ့ဖြိုးတိုးတက်ရေးကို အခြေခံပြီး နှစ်စဥ် ဇန်နဝါရီလ ၂၄ ရက်ကို နိုင်ငံတကာပညာရေးနေ့ (International Day of Education) ဆိုပြီး ၂၀၁၈ ခုနှစ် ဒီဇင်ဘာလ ၃ ရက်နေ့မှာ ကျင်းပတဲ့ ကုလသမဂ္ဂရဲ့ အထွေထွေညီလာခံမှာ စတင်သတ်မှတ် ပေးခဲ့တာပါ။
Photo – UN Myanmar