အောင်ပန်းတွင် မိုးကြိုးပစ်၍ နွားကျောင်းသားနှင့် နွားတစ်ကောင်သေဆုံး

သျှမ်းပြည်နယ် တောင်ပိုင်း ၊ အောင်ပန်းမြို့နယ် ၊ ညောင်ကျိုးရွာအနောက်တောင်ဖက် (၂) မိုင်အကွာတောင် စောင်း ၌ ယမနေ့ (ဇွန် ၂ ရက် )ညနေခင်း ၃ နာရီချိန်ခန့်ကနွားကျောင်းသားတစ်ဦးနှင့် နွားတစ်ကောင် မိုးကြိုးထိမှန်ကာ နေရာတွင် ပွဲချင်းပြီးသေဆုံးခဲ့ကြောင်း သိရသည်။

မိုးကြိုးထိမှန်သေဆုံးခဲ့သော နွားကျောင်းသားမှာ အ သက် ၁၈ နှစ်အရွယ် ညောင်ကျိုး ကျေးရွာခံတစ်ဦးဖြစ်ပြီး ၄င်းသေဆုံးသူရုပ်အလောင်းအား အောင်ပန်းဆေးရုံရင်ခွဲရုံသို့ ရွာသူ/သားများနှင့် အောင်ပန်းနာရေးကူညီမှုအသင်းက ပူးပေါင်းပို့ဆောင်ပေးခဲ့ကြောင်းသိရသည်။

မိုခါမုန်တိုင်းအလွန်ကာလတွင် သျှမ်းပြည်နယ်တောင်ပိုင်း ဒေသများ၌ မိုးကြီး၍လျှပ်စီးလျှပ်ခြင်း ၊ မိုးခြိမ်းခြင်း ၊ မိုးကြိုးပစ်ခြင်းများ ဖြစ်ပေါ်နေကြောင်း သိရှိရပါသည်။