အာဆီယံအလှည့်ကျ ဥက္ကဋ္ဌ မလေးရှားဝန်ကြီးချုပ် အန်ဝါအီဘရာဟင်မ်နဲ့ NUG အစိုးရ ပြည်ထောင်စုဝန်ကြီးချုပ် မန်းဝင်းခိုင်သန်းတို့ က ယနေ့ ဧပြီလ ၁၈ ရက်နံနက်ပိုင်းက အွန်လိုင်း ကနေတဆင့် တွေ့ဆုံဆွေးနွေးခဲ့ကြတယ်လို့ သိရပါတယ်။
မိနစ် ၄၀ ကြာ တွေ့ဆုံချိန်မှာ မြန်မာနိုင်ငံရှိ ပြည်သူများ၏ အရေးပေါ် လူသားချင်းစာနာမှုဆိုင်ရာ လိုအပ်ချက်များနဲ့ အကူအညီများ ထိထိရောက်ရောက် ပေးအပ်နိုင်ရေးအတွက် ကြိုးပမ်းမှုကိစ္စများ အဓိကထား ဆွေးနွေးခဲ့ကြတယ်လို့ မလေးရှား ဝန်ကြီးချုပ် အန်ဝါက ၎င်းရဲ့ လူမှုကွန်ယက်စာမျက်နှာမှာ ရေးသားဖော်ပြထားပါတယ်။
လက်ရှိတွင် ယုံကြည်မှုတည်ဆောက်ရန် ကြိုးပမ်းအားထုတ်မှုများကို ဦးစားပေးအဖြစ် ဆက်လက် ဆောင်ရွက်လျက်ရှိပြီး ယင်းလုပ်ငန်းစဉ်ကို အာဆီယံမူဘောင်အောက်တွင် ဆက်လက်တည်ရှိနေရန် အရေးကြီးလိုအပ်ကြောင်းနဲ့ မြန်မာပြည်သူတွေရဲ့ ငြိမ်းချမ်းရေး၊ ပြန်လည်သင့်မြတ်ရေးနဲ့ သာယာဝပြောရေး တို့အတွက် ပါတီအားလုံးနဲ့ ဆွေးနွေးညှိနှိုင်းမှုတွေ ဆက်လက်ကြိုးပမ်းသွားမယ်လို့ အန်ဝါက ဆိုပါတယ်။
