သျှမ်းပြည်နယ်တောင်ပိုင်း၏ ရိုးရာဘုရားပွဲတော်တစ်ခုဖြစ်သော အင်းလေးဖောင်တော်ဦးဘုရား ဒေသစာရီကြွချီအပူဇော်ခံခြင်း အခမ်းအနားကို သီတင်းကျွတ်လဆန်း (၁)ရက် (၁၅-၁၀-၂၀၂၃) ရက်နေ့မှစပြီး
သီတင်းကျွတ်လပြည့်ကျော် (၃)ရက် (၁-၁၁-၂၀၂၃) ရက်နေ့အထိ ကျင်းပပြုလုပ်မည်ဖြစ်သည်။
ထို့ကြောင့် ယနေ့ အောက်တိုဘာလ (၁၄) ရက်နေ့တွင် ဒေသစာရီကြွချီရာ၌ အသုံးတော်ခံမည့် စည်တော်ချအခမ်းအနားကို ကျင်းပပြုလုပ်ခဲ့သည်။
အင်းလေးဖောင်တော်ဦး ဒေသစာရီကြွချီအပူဇော်ခံခြင်းကို ကိုဗစ်ကာလကတည်းက ရပ်နားခဲ့ရပြီး ယခုနှစ်တွင်ပြန်လည်ကျင်းပခြင်းဖြစ်ကာ ရှေးအစဉ်အလာတိုင်း (၂၁) ဌာနသို့ အပူဇော်ခံကြွမည်ဖြစ်ကြောင်း သတင်းရရှိသည်။
