အင်အားပြင်း ငလျင်ဒဏ်ကြောင့် လက်ရှိ သေဆုံးသူ ၁၄၄ ဦးရှိပြီး ဒဏ်ရာရရှိသူ ၇၃၂ ဦးရှိတယ်လို့ စစ်ခေါင်းဆောင်ပြော 

မန္တလေးမြို့ အရှေ့မြောက်ဘက် ၂၀ ကီလိုမီတာခန့်အကွာမှာ ဗဟိုပြုပြီး ရစ်(ခ်)တာစကေး ၇ ဒသမ ၇ အဆင့်ရှိတဲ့ အင်အားပြင်း ငလျင်ဒဏ်ကြောင့် လက် ရှိ သေဆုံးသူ ၁၄၄ ဦးရှိပြီး ဒဏ်ရာရရှိသူ ၇၃၂ ဦးရှိတယ်လို့ စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်က ၎င်းရဲ့ ရုပ်သံလိုင်းမှာ ပြောဆိုသွားပါတယ်။

ငလျင်ကြောင့် နေပြည်တော်၊ မန္တလေးနဲ့ စစ်ကိုင်းတို့မှာ ထိခိုက်ပျက်စီးမှုများပြားပြီး ရရှိတဲ့သတင်းပေးပို့ချက်အရ နေပြည်တော်ကောင်စီနယ်မြေတွင် ၉၆ ဦး ၊ စစ်ကိုင်းမြို့မှာ ၁၈ ဦးနဲ့ ကျောက်ဆည်မြို့မှာ ၃၀ ဦးစုစု‌ပေါင်း ၁၄၄ ဦး သေဆုံးပြီး ဒဏ်ရာရရှိသူများအနေဖြင့် နေပြည်တော်မှာ ၄၃၂ ဦး၊ စစ်ကိုင်းမြို့မှာ ၃၀၀ ဦး စုစုပေါင်း ၇၃၂ ဦး ထိခိုက်ဒဏ်ရာရတယ်လို့ ဆိုပါတယ်။

ကျောက်ဆည်မြို့မှာ စိစစ်ဆဲဖြစ်နေပြီး ထိခိုက်ဒဏ်ရာရသူများနဲ့ သေဆုံးသူများ ဆက်လက် တိုးလာနိုင်တယ်လို့ ပြောဆိုထားပါတယ်။