သျှမ်းမြောက်တက်မည့် ကားများအားလုံး စစ်ကောင်စီ၏ ဗထူးစစ်ဆေးရေးဂိတ်က ရက်အကန့်အသတ်မရှိဖြတ်သန်းခွင့်ပိတ်ထား

သျှမ်းပြည်နယ်မြောက်ပိုင်းကို တက်မည့် ခရီးသည်တင်ယာဉ်အပါအဝင် ကုန်တင်ကားများအားလုံးအား ရပ်စောက်ဗထူးစစ်ဆေးရေးဂိတ်က နိုဝင်ဘာလ (၁၁) ရက်ကစ၍ ရက်အကန့်အသတ်မရှိဖြတ်သန်းခွင့်ပိတ်ထားကြောင်း သိရသည်။

သျှမ်းပြည်နယ်မြောက်ပိုင်းမှ သျှမ်းပြည်နယ်တောင်ပိုင်းခရီးသည်ယာဉ်များကတော့ အစစ်အဆေးတင်းကြပ်စွာဖြင့် ဖြတ်သန်းခွင့်ပြုသည်ဟုဆိုသည်။

“ ဗထူးစစ်ဆေးရေးဂိတ်ကနေ သျှမ်းမြောက်ကို တက်မယ့်ကားတွေကတော့ လုံးဝပေးမဖြတ်တော့ဘူး။ အကုန်လုံးပြန်လှည့်ခိုင်းနေတယ်။ တောင်ကြီးတက်တဲ့ကားတွေတော့ ပြောပြီးဖြတ်လို့ရသေးတယ်။ ဘာကြောင့်ဂိတ်ကိုပိတ်လိုက်တယ်ဆိုတာကိုတော့ သေသေချာချာ မရှင်းပြဘူး။” ဟု ကျောက်မဲ-တောင်ကြီးခရီးသည်တင်ယာဉ်မောင်းတစ်ဦးက ပြောပြသည်။

သျှမ်းမြောက်နှင့် သျှမ်းတောင်ကို ခရီးသွားမည်ဆိုပါက တောင်ကြီး-လွိုင်လင်-ပင်လုံ-လဲချား-မိုင်းကိုင်-နမ့်လန်လမ်းပိုင်းကိုသာ အသုံးပြုသွားလာနေရကြောင်း သတင်းရရှိသည်။