ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်မြောက်ပိုင်းက လက်ရှိဖြစ်ပွားနေတဲ့တိုက်ပွဲတွေကြောင့် တောင်ကြီးဖက်ကို တက်လာကြတဲ့ စစ်ရှောင်ပြည်သူတွေ ရာနဲ့ချီပြီး ဟိုပုံး- တောင်ကြီးတိုးဂိတ်အနီးမှာရှိတဲ့ ဝန်းထဲမှာရောက်ရှိနေတယ်လို့ ဒေသခံတွေဆီကသိရပါတယ်။
“သျှမ်းမြောက်ကနေလာကြတဲ့ စစ်ရှောင်တွေ ဆယ်ဘီးကား ၊ဆယ့်နှစ်ဘီးကားတွေ အစီး ၂၀ ကျော်လောက်ရှိတယ်ဗျ ။သူတို့တွေကိုလက်ရှိ ဟိုပုံး- တောင်ကြီးတက်တဲ့တိုးဂိတ် အဝင်ဝန်းထဲမှာပဲထည့် ထားပြီးတော့မှ အပြင်ပေးမထွက်ဘူး လို့သိရတယ်၊ အဲ့ဒီထဲမှာ ဆယ်ဘီးကား ဆယ့်နှစ်ဘီးကားတွေကို သုံးထပ်လုပ်ထားပြီးတော့မှ လူတွေရာနဲ့ချီပြီး ပိတ်မိနေတယ် ”လို့ မျက်မြင်တွေ့ရှိခဲ့သူတစ်ဦးက HsanLoiVoice ကိုပြောပါတယ်။
သျှမ်းမြောက်စစ်ရှောင်တွေဟာတောင်ကြီးအထိတက်လာကြတယ်လို့ဆိုတဲ့ နေရာမှာ ဘယ်လမ်း ကြောင်းကနေ ဘယ်လိုတက်လာကြတာလဲဆိုတာကိုတော့ အတည်မ ပြုနိုင်သေးပာမဲ့ လက်ရှိ ဟိုပုံးတိုးဂိတ်ရဲ့ညာဖက်ဝန်းကြီးထဲမှာပဲ ကားတွေအကုန် လုံးထည့်ထားပြီးနိုဝင်ဘာ ၁၂ ရက်နေ့မှာတောင်ကြီးက စစ်ကောင်စီတပ်ဖွဲ့တွေ နဲ့ရဲတွေလာရောက်စစ်ဆေးကြလို့ ဘယ်သူ့ကိုမှ ဓါတ်ပုံပေးမရိုက်ဘူးလို့ ဆိုပါတယ်။
သျှမ်းပြည်မြောက်ပိုင်းမှာ မဟာမိတ်အုပ်စုတွေနဲ့စစ်ကောင်စီတိုက်ပွဲတွေကြောင့် လက်ရှိ လားရှိုးမြို့နယ်ထဲမှာ စစ်ရှောင်ပြည်သူ ၅၀၀၀ ကျော်လောက်ရှိနေပါတယ်။
