သျှမ်းပြည်ပြန်လည်ထူထောင်ရေးကောင်စီ ဥက္ကဋ္ဌ ဗိုလ်ချုပ်ကြီး ယွက်စစ် ၏ အတာသင်္ကြန်နှစ်သစ်ကူးဆုတောင်းစကား

မြန်မာသက္ကရာဇ် ၁၃၈၆ ခုနှစ် နှစ်ဟောင်းကုန်ဆုံးပြီး မြန်မာသက္ကရာဇ် ၁၃၈၇ ခုနှစ် နှစ်သစ်သို့ ကူးပြောင်းတော့မည့် အတာသင်္ကြန် အခါသမယမှာ တော်လှန်ရေးခေါင်းဆောင်များ၊ တပ်ဖွဲ့ဝင်များနှင့် နိုင်ငံတဝန်းရှိ လူမျိုးပေါင်းစုံ ပြည်သူလူထုတစ်ရပ်လုံး ကိုယ်ရော စိတ်ပါ ကျန်းမာ၊ ချမ်းသာပါစေကြောင်း ဆုမွန်ကောင်းတောင်းအပ်ပါသည်။

မိမိတို့ ရင်ဆိုင်နေရသော ပြဿနာများအားလုံးကို သီးခံစိတ်ထားရှိပြီး ခွင့်လွတ်ပေးနိုင်ကြပါရန်နှင့် ပြဿနာများကို အကောင်းဘက်မှ တွေးပြီးဖြေရှင်းသွားကြရန်၊ ဉာဏ် ပညာ၊ သတိ၊ ဝိရိယ ထားရှိ၍ အချင်းချင်းတွေ့ဆုံဆွေးနွေးကာ ပြုပြင်ပြောင်းလဲပြီး ပေါင်းစည်းသွားကြရန်၊

မိမိတို့ ပြည်သူတစ်ရပ်လုံးအနေဖြင့် ကိုဗစ်ကပ်ရောဂါဘေး၊ စစ်ဘေး၊ ရေဘေးနှင့် ငလျင်ဘေးတို့ ကြုံတွေ့လာခဲ့ရကာ ဘေးဒုက္ခအမျိုးမျိုးသည် နှစ်ဟောင်းမှာ ချန်ရစ်ခဲ့ပြီး ယခုလာမည့် နှစ်သစ်အခါသမယမှာ အတွေးသစ်၊ အမြင်သစ်၊ လုပ်ဆောင်မှုအသစ်ဖြင့် ဆောင်ရွက်နိုင်ကြကာ ပြည်သူ တစ်ရပ်လုံး မျှော်လင့်တောင်းတသည့်အရာများ ပြည့်စုံပါစေကြောင်း နှစ်သစ်ကူးဆုမွန်ကောင်း တောင်းလိုက်ပါသည်။

ဗိုလ်ချုပ်ကြီး ယွက်စစ်

ဥက္ကဋ္ဌ

သျှမ်းပြည်ပြန်လည်ထူထောင်ရေးကောင်စီ