ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
ယမန်နေ့ ဩဂုတ်လ (၃)ရက်နေ့ ညနေ (၄)နာရီခန့်တွင် သျှမ်းပြည်နယ်မြောက်ပိုင်း လားရှိုးမြို့ နယ်မမြေ ၄၊ မန်ကောင်းကျောင်းအနီး၊ ၄၂ လမ်းပေါ်တွင်ရှိသည့် နေအိမ်တစ်အိမ်လုံး ဝါယာရှော့ဖြစ်ပြီး မီးလောင်းကျွမ်းမှုဖြစ်ပေါ်ခဲ့ကြောင်း သတင်းရရှိသည်။
လားရှိုးမြို့တွင် လျှပ်စစ်မီးမကြာခဏပြတ်တောက်လျက်ရှိပြီး ရုတ်တရက်မီးပြန်လာရာမှ မီးလောင်ကျွမ်းမှုဖြစ်ပေါ်ခဲ့ခြင်းဖြစ်သည်။ နေအိမ်အတွင်း စက္ကူများစွာထားရှိခြင်းကြောင့် မီးလောင်ကျွမ်းမှုကို ပိုမိုအားကောင်းစေခဲ့ပြီး ပတ်ဝန်းကျင်မှ ဝိုင်းဝန်းကူညီငြိမ်းသတ်ပေးခဲ့ရသည်။
“မီးလောင်တဲ့အချိန် အိမ်ရှင်ဖြစ်သူတရုတ်ရိုးရာ တရားဟောဆရာက အိမ်မှာမရှိနေဘူး။ သူ့မိန်းမဖြစ်တဲ့သူပဲရှိတော့ မီးလောင်နေတဲ့အချိန်မှာ သူက ပတ်ဝန်းကျင်ကို အကူအညီတောင်းလို့ ပတ်ဝန်းကျင်က ကူညီငြိမ်းသတ်ပေးကြတယ်။ မီးသတ်ကို သတင်းလှမ်းပို့တဲ့အချိန်တော်တော်တောင် နောက်ကျနေပြီ။ မီးကလာလိုက်ပြတ်လိုက်ဖြစ်နေတော့ ခန့်မှန်းလို့မရဘူးလေ။ မီးပြန်လာတဲ့အချိန် ရုတ်တရက်ဝါယာရှော့ဖြစ်ပြီး လောင်တာလို့ပြောတယ်။” ဟု လားရှိုးမြို့ဒေသခံတစ်ဦးကပြောပြသည်။
မီးလောင်ကျွမ်းမှုကြောင့် လူထိခိုက်ဒဏ်ရာရရှိခဲ့ခြင်းမရှိသော်လည်း နေအိမ်ကတော့ ပျက်စီးခဲ့ကြောင်း သတင်းရရှိသည်။
