ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
ယနေ့ မေလ(၂၆)ရက်နေ့ နံနက်(၇)နာရီကျော်ခန့်တွင် သျှမ်းပြည်နယ်မြောက်ပိုင်း ကျောက်မဲမြို့နယ် ခိုမုန်းကျေးရွာအုပ်စု နမ့်ဟူးကျေးရွာ ပေါ့အင်းလေးကျေးရွာလမ်းခွဲ၌ ဆိုင်ကယ်နှင့် (၁၂)ဘီးကား မတော်တဆ တိုက်မိပြီး ဆိုင်ကယ်စီးလာသည့် လူငယ်အမျိုးသား(၂)ဦး သေဆုံးခဲ့ကြောင်း သိရသည်။
“ကျနော်တို့ကိုတော့ ဆိုင်ကယ်နဲ့ကား မတော်တဆဖြစ်ပြီး အကူအညီတောင်းလာလို့ သွားရောက်ကူညီပေးရတာပေါ့။ ဆိုင်ကယ်စီးလာတဲ့ လူငယ်(၂)ဦးကတော့ ပွဲချင်းပြီးသေဆုံးသွားတယ်။ ဘယ်ကလဲ ဘယ်သူတွေလဲဆိုတာတော့ ကျနော်တို့လည်း မသိရသေးဘူး။ သူတို့တွေရဲ့မှတ်ပုံတင်ကတော့ ယာဉ်ထိန်းရဲတွေယူသွားတယ်။ လူငယ်(၂)ယောက်ရဲ့ အလောင်းကိုတော့ ကျောက်မဲမြို့နယ် ပြည်သူ့ဆေးရုံကို ပို့ဆောင်ထားပါတယ်။ သူတို့မိဘတွေကို ရှာဖွေနေတုန်းပါပဲ။” ဟု ကျောက်မဲမြို့နယ် နမ့်ခုံးသျှမ်းများပရဟိတအသင်းမှ အဖွဲ့ဝင်တစ်ဦးက ပြောပြသည်။
တိုက်မိသော (၁၂) ဘီးယာဉ်လည်း အဆိုပါနေရာတွင် ဖမ်းဆီးထားကြောင်း သတင်းရရှိသည်။
