သျှမ်းပြည်နယ်မြောက်ပိုင်း ကွတ်ခိုင်မြို့နယ်အတွင်း၌ ပြန်ပေးဆွဲပြီးငွေညစ်မှုကျူးလွန်နေသူများအား ကောင်းခါးမြို့တွင် ဖမ်းဆီးရမိခဲ့ပြီဖြစ်ကြောင်း သတင်းရရှိသည်။
၎င်းတို့အဖွဲ့ကို စားသောက်ဆိုင်တစ်ဆိုင်တွင် စားသောက်နေကြစဉ် ကောင်းခါးပြည်သူ့စစ်တပ်ဖွဲ့နှင့် စစ်ကောင်စီရဲတပ်ဖွဲ့တို့ ဝိုင်းဝန်းဖမ်းဆီးခဲ့ခြင်းဖြစ်ကြောင်း သိရသည်။
“ သူတို့ကိုဖမ်းတဲ့အချိန်မှာပစ်ခတ်သံတွေတောင်ကြားလို့ အနီးအနားကလူတွေလန့်သွားသေးတယ်။ပြီးတော့ ပတ်ပတ်လည်ကအိမ်တွေဆီက ဖုန်းတွေသိမ်းပြီးစစ်လိုက်သေးတယ်။ ဘာမှရိုက်ထားတာမရှိတဲ့ဖုန်းတွေကိုပြန်ပေးပါပြီ။” ဟု ဒေသခံတစ်ဦးကပြောပြသည်။
ပြန်ပေးဆွဲအဖွဲ့သည် ယမန်နေ့က ကွတ်ခိုင်မြို့တွင် အမျိုးသားတစ်ဦးကို ပြန်ပေးဆွဲခဲ့ကြပြီး ယခင်ကလည်းအလားတူပြစ်မှုများ ကျူးလွန်ဖူးကြောင်း ဒေသခံများထံသိရသည်။
