သျှမ်းပြည်နယ်မြောက်ပိုင်း လားရှိုးမြို့နယ် ရိုးရာအရက်ချက်စက်ရုံအနီး ယာဉ်တိုက်မှုဖြစ်ပွားပြီး ဆိုင်ကယ်စီးသူအမျိုးသား ဒဏ်ရာပြင်းထန်စွာရရှိ
18 March 2023
ယနေ့ မတ်လ (၁၈) ရက်နေ့ နံနက် (၁၁) နာရီခန့်တွင် သျှမ်းပြည်နယ်မြောက်ပိုင်း လားရှိုးမြို့နယ် လားရှိုး-သီပေါ လမ်းမကြီး ရိုးရာအရက်ချက်စက်ရုံအနီးတွင် ယာဉ်တိုက်မှုဖြစ်ပွားခဲ့ကြောင်း သိရသည်။
ယာဉ်တိုက်မှုကြောင့် ဆိုင်ကယ်စီးသူအမျိုးသား ဒဏ်ရာပြင်းထန်စွာရရှိခဲ့ပြီး သတိလစ်လျက်ရှိသည်။ ဒဏ်ရာရရှိသူမည်သူမည်ဝါဖြစ်မှန်း မသိရသေးဘဲ လားရှိုးလူငယ်များ လူမှုကူညီရေးအသင်းက လားရှိုးပြည်သူ့ဆေးရုံ ခွဲစိတ်ကုသဆောင်သို့ ပို့ဆောင်ပေးထားကြောင်း သိရသည်။
photo credit & လားရှိုးလူငယ်များလူမှုကူညီရေးအသင်း