နှစ်ဖက်တွေ့ဆုံဆွေးနွေးနိုင်ရန် SSPP/SSA အား ထိုးစစ်ဆင် တိုက်ခိုက်မှုကို (၁၀) ရက်အတွင်း လုံးဝ အပစ်ရပ်စဲရန် RCSS/SSA ထုတ်ပြန် | ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
၂၀၂၃ ခုနှစ် ဖေဖော်ဝါရီလ ၂ ရက်နေ့ နံနက် (၁၁) နာရီခန့်တွင် သျှမ်းပြည်နယ်မြောက်ပိုင်း မူဆယ်မြို့နယ် ဟိုမွန်ရပ်ကွက်၊ ကံ့ကော်လမ်းခွဲတွင် ဗုံးပေါက်ကွဲမှု ဖြစ်ပွားခဲ့သည်။ ဗုံးပေါက်ကွဲမှုကြောင့် ဟိုမွန်ရပ်ကွက်ဘက်မှ နာရီစင်ဘက်သို့ လမ်းလျောက်လာသူတစ်ဦး ထိခိုက်ဒဏ်ရာရရှိခဲ့ပြီး စိုးရိမ်ရသည့်အတွက် မူဆယ်ပြည်သူ့ဆေးရုံသို့ ကုသမှုခံယူထားရသည်။
စစ်ကောင်စီတပ်သားများနှင့် ပြည်သူ့စစ်များ ကံကော်လမ်းတွင် စစ်ဆေးမှုပြုနေစဉ် အမျိုးသား (၂) ဦးမှ ဆိုင်ကယ်ဖြင့်ရောက်ရှိလာပြီး လက်လုပ်ဗုံးဖြင့် လာရောက်ပစ်ခတ်ခြင်းဖြစ်ကြောင်း စစ်ကောင်စီမီဒီယာများက ဖော်ပြထားသည်။
အလားတူ ဖေဖော်ဝါရီလ (၁) ရက်နေ့ကလည်း သျှမ်းပြည်နယ်မြောက်ပိုင်း မူဆယ်မြို့ ဟိုမွန်ရပ်ကွက် သိန်းသန်းချီမီးပွိုင့်လမ်းဆုံ၊ ယာဉ်ထိန်းရုံအနီးတွင် လက်လုပ်မိုင်းတစ်လုံး ပေါက်ကွဲခဲ့ပြီး ထိခိုက်ဒဏ်ရာရရှိသူ မရှိခဲ့ကြောင်း သတင်းရရှိသည်။
