ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
၂၀၂၃ ခုနှစ် ဇန်နဝါရီလ (၁၃) ရက်နေ့ ယနေ့ နံနက်ပိုင်း (၉း၃၀) ခန့်တွင် သျှမ်းပြည်နယ်မြောက်ပိုင်း လားရှိုးမြို့ ရပ်ကွက်(၅) ၊ နယ်မြေ (၂) (၅၆၇) နတ်စင်အနီးရှိ ခြံဝိုင်းအလွတ်ထဲတွင် အမျိုးသားတစ်ဦး သေဆုံးနေသည်ကို တွေ့ရှိခဲ့ကြောင်း သိရသည်။
သေဆုံးသူအမျိုးသားကို မည်သူမည်ဝါဖြစ်မှန်း မသိရသေးဘဲ အိမ်ခြေရာမဲ့တစ်ဦးဖြစ်ကာ အဆိုပါ ခြံဝိုင်းအလွတ်တွင် လာရောက်မှီခိုနေထိုင်သူ ဖြစ်သည်။
“လားရှိုးမြို့မှာ ဆောင်းစဝင်ကတည်းက အခုအချိန်အထိ (၃)လ အတွင်း သေဆုံးတဲ့ ပိုင်ရှင်မဲ့အလောင်းတွေ (၂၀) ကျော်ရှိနေပြီ ။ အခုထိလည်း ဆက်ပြီးသေနေတုန်း ရာသီဥတုကပိုပိုပြီး အေးလာတော့ အိမ်ခြေရာမဲ့တွေကို ကူညီဖို့ နည်းလမ်းတွေ ရှာသင့်တယ်။ ဘာပဲဖြစ်ဖြစ် သူတို့လည်း လူထဲကလူဖြစ်လို့ ကူညီဖြေရှင်းနိုင်ရင် တာဝန်ရှိသူတွေ ကူညီပေးစေလိုတယ်။
ပြီးတော့ လားရှိုးမှာက အိမ်ခြေရာမဲ့တွေအပြင် မူးယစ်ဆေးဝါးပြဿနာလည်းရှိတဲ့အတွက် ဒီလို ပိုင်ရှင်မဲ့အလောင်းတွေ တစ်ပတ်တစ်ယောက်နှုန်း နှစ်ယောက်နှုန်း တွေ့နေရတာလို့မြင်တယ်။ မြို့ရဲ့ ဂုဏ်သိက္ခာလည်း ကျဆင်းစေတဲ့အတွက် တာဝန်ရှိသူတွေအနေနဲ့ရော မြို့သူမြို့သားတွေရော ဒီပြဿနာကို ကူညီဖြေရှင်းဖို့ စဉ်းစားစေလိုပါတယ်။” ဟု လားရှိုးဒေသခံတစ်ဦးက ပြောပြသည်။
ယခုသေဆုံးမှုအပါအဝင် လားရှိုးမြို့တွင် သေဆုံးသည့် ပိုင်ရှင်မဲ့ အမျိုးသားအလောင်း (၂၀) ဦး ကျော်နေပြီဖြစ်သည်။
credit photo & လားရှိုးလူငယ်များ လူမှုကူညီရေးအဖွဲ့
