သျှမ်းပြည်နယ်မြောက်ပိုင်း မူဆယ်မြို့တွင် ဗုံးပေါက်ကွဲမှုဖြစ်ပွား ယာဉ်များစစ်ဆေးနေသည့် ပြည်သူ့စစ်များ ထိခိုက်ဟုဆို

ယနေ့ ၂၀၂၂ ခုနှစ် နိုဝင်ဘာလ (၁၄) ရက်နေ့ နံနက် (၁၁) နာရီဝန်းကျင်ခန့်တွင် သျှမ်းပြည်နယ်မြောက်ပိုင်း မူဆယ်မြို့ မင်္ဂလာမူဆယ်သွားသည့် ကားလမ်းမကြီး၌ ဗုံးပေါက်ကွဲမှု ဖြစ်ပေါ်ခဲ့သည်။

“မနက် (၁၁) နာရီလောက်က မင်္ဂလာမူဆယ်ကားလမ်းမှာ ဗုံးကွဲတာ (၃) ကြိမ်လို့ ပြောနေကြတယ်။ ကျနော်တို့တော့ (၂) ကြိမ်လောက်တော့ အသံအကျယ်ကြီးကြားလိုက်တယ် အိမ်တွေတောင်တုန်တယ်။ အဲ့နားမှာက မြို့မပြည်သူ့စစ်တွေ ကားတွေ ဆိုင်တွေကို စစ်ဆေးမှုတွေ လုပ်နေတဲ့နေရာဆိုတော့ သူတို့တွေတော့ ထိခိုက်ဒဏ်ရာရတယ်လို့တော့ ပြောသံကြားတယ် ။ လူတော့ မသေဘူးတဲ့။” ဟု မူဆယ်ဒေသခံတစ်ဦးက ပြောပြသည်။

အဆိုပါ ဗုံးကို မည်သည့်အဖွဲ့က လာရောက်ပစ်ခတ်သွားမှန်းမသိရသေးဘဲ ဗုံးပေါက်ကွဲမှုဖြစ်ပြီးနောက် စစ်ကောင်စီတပ်သားအများအပြားရောက်လာပြီး စစ်ဆေးမှု ပြုလုပ်နေကြကြောင်း သတင်းရရှိသည်။

#HsanLoiVoice

https://instagram.com/hsan.loivoice?igshid=YmMyMTA2M2Y=

https://hsanloivoice.org/