ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်နယ်တောင်ပိုင်း ဆီဆိုင်မြို့အား PNLA + PDF ပူးပေါင်းအဖွဲ့တို့က တိုက်ခိုက်သိမ်းပိုက်ထားပြီး ယနေ့အထိ နေ့စဉ်နေ့တိုင်း တိုက်ပွဲဖြစ်နေသေးကြောင်း သတင်းရရှိသည်။ ဆီဆိုင်မြို့အား ပြန်လည်ရရှိရေး စစ်ကောင်စီတပ်နှင့်PNA တို့ ထိုးစစ်ဆင်တိုက်ခိုက်နေသော်လည်း ဆီဆိုင်မြို့အတွင်း သေဆုံးနေသော ၎င်းတို့၏တပ်သားအလောင်းများပင် လာရောက်ကောက်ယူနိုင်ခြင်း မရှိသေးကြောင်း သိရသည်။
စစ်ကောင်စီတပ်သည် ယမန်နေ့ (၁၂.၂.၂၀၂၄)ရက်နေ့တွင်လည်း ဆီဆိုင်မြို့အား ဒရုန်းဗုံး၊ လက်နက်ကြီးနှင့် လေကြောင်းတိုက်ခိုက်မှုများ ပြုလုပ်ခဲ့ပြီး ပြည်သူလူထုနေအိမ် အမြောက်အများ ထိခိုက်ပျက်စီးခဲ့သည်။
“မနေ့ကတော့ မြို့ထဲကို လက်နက်ကြီးတွေလည်းကျလို့ လူနေအိမ်တွေထိပြီး မီးလောင်နေတာတွေရှိတယ်။ ဒရုန်းကနေလည်း ဗုံးတွေပစ်ချတော့ အဆောက်အအုံတွေ တော်တော်များများထိတယ်။ ဆီဆိုင်ကို အင်တာနက်လိုင်းရော ဖုန်းလိုင်းတွေရော ဖြတ်ထားလို့ ထိခိုက်မှုအတိအကျကိုတော့ မသိနိုင်ဘူး။ မြို့ထဲမှာ သေနေတဲ့ စစ်သားအလောင်းတွေလည်း ဒီအတိုင်းပြန့်ကျဲနေတုန်းပဲလို့ သိရတယ်။”ဟု သျှမ်းတောင်လူမှုကူညီရေးအသင်းက အဖွဲ့ဝင်တစ်ဦးက ပြောပြသည်။
ဆက်စပ်သတင်းများအရ အောင်ဆုဗွေ မူးယစ်ဆေးဖြတ်စခန်းတွင် ဆေးဖြတ်သူ(၁၂)ဦးအား စစ်ကောင်စီတပ်က ရှေ့တန်းထွက်ခိုင်းသည်ကို ငြင်းဆန်သည့်အတွက် ပစ်သတ်ခြင်းခံခဲ့ရကြောင်း သတင်းရရှိသည်။
