ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
“ ယခုအခါ စီးပွားရေးအပေးအယူများ ပြုလုပ်၍ RCSS/SSA ကို တိုက်ပွဲတွင်း ဆွဲသွင်းလာသည့်သတင်းများလည်း ကြားလာခဲ့ရပါသည်။” ဟု Inle People Defense Force-IPDF မှ ယမန်နေ့ ဧပြီလ ၁ ရက်နေ့က ရေးသားဖော်ပြခဲ့ပါသည်။
အလားတူ သျှမ်းပြည်အရပ်ဖက်အဖွဲ့အစည်းများအကြားလည်း အဆိုပါသတင်းကို အဆင့်ဆင့် ရေးသားဖြန့်ဝေနေကြသည်ဟု သိရပါသည်။
အဆိုပါကိစ္စနှင့်ပါတ်သက်ပြီး RCSS ပြောရေးဆိုခွင့်ရှိသူ ဗိုလ်မှူး စိုင်းခမ်းစံကို မေးမြန်းကြည့်ရာ “ မဟုတ်ပါဘူး သတင်းအမှားတွင်တင်နေကြတာပါ” ဟု Hsan Loi Voice သို့ ဖြေကြားပါသည်။
ယနေ့နံနက် ၀၉း၅၀ မိနစ်ခန့်ကလည်း PNLO ဘက်က မောက်မယ်မြို့နယ်ရှိ RCSS တပ်ဖွဲ့အား ချောင်းမြောင်းပစ်ခတ်ခဲ့သည်ဟု ပြောပါသည်။
သို့သော် RCSS ဘက်မှ မည်သို့မျှတုန့်ပြန်ခြင်း မရှိသေးဟု ဆိုပါသည်။
PNLO သည် စစ်ကောင်စီ၊ NUG တို့နှင့် ၂ ဖက် ခွကစားနေပြီး မြောက်ပိုင်းမဟာမိတ်အဖွဲ့အချို့နှင့်လည်း ချိတ်ဆက်ဆောင်ရွက်မှုရှိနေသည်ဟု သိရပါသည်။
ယခုအခါ ပအိုဝ်းပြည်သူ့ကာကွယ်ရေးတပ်ဖွဲ့ဝင် အင်အား ၃၀ ခန့်သည်လည်း ပင်လုံဘက်သို့ ရောက်ရှိနေကြောင်း သိရပါသည်။
Photos: Tai freedom
