သျှမ်းနှစ်သစ်ကူးအကြိုညမှာ ကျောက်မဲမြို့တွင် စစ်ကောင်စီက ဗုံးကြဲတိုက်ခိုက်မှုကြောင့် ဒေသခံပြည်သူ (၁၀)ဦး သေဆုံးပြီး (၂၀)ကျော် ဒဏ်ရာရ

သျှမ်းနှစ်သစ်ကူးအကြိုညမှာ သျှမ်းပြည်နယ်မြောက်ပိုင်း၊ ကျောက်မဲမြို့တွင် စစ်ကောင်စီတပ်က ဂျက်ဖိုက်တာဖြင့် ဗုံးကြဲတိုက်ခိုက်မှုကြောင့် ဒေသခံ (၁၀)ဦး သေဆုံးပြီး (၂၀)ဦး ထိမှန်ဒဏ်ရာရရှိကာ နေအိမ် (၉)လုံး ထိခိုက်ပျက်စီးသွားခဲ့ကြောင်း TNLA ထံမှ သိရသည်။

ကျောက်မဲမြို့ရှိ အင်ကြင်းတောင်ရပ်ကွက်တွင် ယမန်‌နေ့ နိုဝင်ဘာလ (၃၀)ရက်နေ့ ညနေ(၆း၃၀) အချိန်တွင် စစ်ကောင်စီတပ်က လေကြောင်းမှတဆင့် ပေါင်(၅၀၀)ဗုံးဖြင့် လာရောက်ဗုံးကြဲတိုက်ခိုက်ခဲ့ရာ ၎င်းရပ်ကွက်အတွင်းရှိ ဒေသခံ (၁၀)ဦး ထိမှန်သေဆုံးပြီး (၂၀)ကျော် ထိမှန်ဒဏ်ရာရရှိခဲ့ဟု သိရသည်။

စစ်ရေးတင်းမာမှုများ တွေ့ဆုံဆွေးနွေးဖြေရှင်းရန် ပလောင်ပြည်နယ်လွတ်မြောက်ရေးတပ်ဦး PSLF/TNLA အနေဖြင့် အမြဲအသင့်ရှိကြောင်း ပြီးခဲ့တဲ့ရက်ပိုင်းက တရားဝင် ထုတ်ပြန်ချက် ထုတ်ပြန်ပြီးနောက် ကျောက်မဲမြို့အား လာရောက်ဗုံးကြဲတိုက်ခိုက်ခြင်းဖြစ်ကြောင်း သိရသည်။