သျှမ်းတောင်မှ ကျောက်ဆည်သို့ ပို့ဆောင်နေသည့်  ကျောက်မီးသွေးတင်တွဲကားတစ်စီး တိမ်းမှောက်ပြန်

ယနေ့ ဇွန်လ ၂၇ နံနက် ၁၀ နာရီအချိန်ခန့်က အောင် ပန်း -တောင်ကြီးသွားလမ်း၊ ကျောက်နွားတောင်အနီးအကွေ့ တွင်ကျောက်မီးသွေးတင်ဆောင်လာသည့်တွဲကားယာဥ်တိမ်းမှောက်မူဖြစ်ပွားခဲ့ရာ ယာဥ်မောင်းဖြစ်သူဒဏ်ရာရရှိခဲ့ကြောင်း သိရသည် ။

သျှမ်းပြည်နယ်တောင်ပိုင်း ပင်လုံနှင့်နမ့်စန် မှထွက်သောကျောက် မီးသွေးများကို ကျောက်ဆည်ဘိလပ်မြေ စက်ရုံသို့ နေ့စဥ် နှင့်အမျှတွဲကားအစီးရေ ၅၀ နှင့် အထက်ပို့ဆောင်နေပြီးယခုကဲ့သို့ ယာဥ်မတော် တဆများ မကြာခဏဖြစ်ပွားနေကြောင်း သိရသည် ။

၄င်းယာဥ်တိမ်းမှောက်မှုကြောင့် ကျောက်ဆည်မြို့နေ ယာဥ် မောင်း တစ်ဦးဒဏ်ရာရရှိခဲ့ခြင်းဖြစ်ပြီးအောင်ပန်း နာရေးကူညီမှုအသင်းမှ အောင်ပန်းဆေး ရုံအရေးပေါ်ဌာနသို့ ကူညီပို့ဆောင်ပေးခဲ့ကြောင်း သိရသည် ။

အဆိုပါတွဲကားများအားကျောင်းဆင်းချိန်၊အလုပ် ဆင်း ချိန်အတွင်း ဖြတ်သန်းဖြတ်သန်းခွင့်ပြုထားသည့်အတွက် တွဲကားများဖြတ်သန်းသွားလာရာ နမ့်စန် ၊လွိုင်လင် ၊ မိုင်းပွန် ၊ ဟိုပုံး ၊ တောင်ကြီး၊ ရွှေညောင် ၊ အောင် ပန်း အစရှိသည့် မြို့ကြီးများတွင် ယာဥ်ကြောပိတ်စို့မှုများ နှင့်ယာဥ်တိုက်မှု ၊ ယာဥ်တိမ်းမှောက်မှုများမကြာ ခဏ ဖြစ်ပွားနေကြောင်း သျှမ်းတောင်ဒေသခံများ ထံမှ သိရှိရပါသည် ။