ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်မြောက်ပိုင်း၊ သီပေါမြို့တွင် ယနေ့ ဩဂုတ်လ (၂၇)ရက် နံနက်အစောပိုင်းအချိန်က စစ်ကောင်စီတပ်မှ လေကြောင်းဖြင့် လာရောက်ဗုံးကြဲချတိုက်ခိုက်မှုကြောင့် ဒေသခံအမျိုးသား(၂)ဦး သေဆုံးခဲ့ပြီး (၂)ဦး ထိခိုက်ဒဏ်ရာရရှိကာ စာသင်ကျောင်းနှင့် နေအိမ်များ ထိခိုက်ပျက်စီးကြောင်း PSLF/TNLA က ထုတ်ပြန်ခဲ့ပါသည်။
ဗုံးကြဲတိုက်ခိုက်မှုကြောင့် သီပေါမြို့၊ အုတ်ကျင်းရပ်ကွက်ရှိ အသက်(၆၀)အရွယ် ဦးဖိုးလူနှင့် အသက် (၅၀)အရွယ် ဦးအောင်နိုင်တို့ (၂)ဦး ပွဲချင်းပြီး သေဆုံးခဲ့ရပြီး (၂)ဦး ထိခိုက်ဒဏ်ရာရရှိကြောင်း သိရသည်။
ထို့အပြင် အုတ်ကျင်းရပ်ကွက်ရှိ အမက(၃) စာသင် ကျောင်း(၁)ကျောင်း၊ အမှတ်(၃)အထက စာသင်ကျောင်း (၁)ကျောင်းနှင့် ပန်းတိမ်တောင်(မြောက်)ရပ်ကွက်အတွင်း ဗုံးများကျရောက်ပေါက်ကွဲခဲ့ပြီး စာသင် ကျောင်းများနှင့် နေအိမ်များ ထိမှန်ပျက်စီးခဲ့ကြောင်း ထုတ်ပြန်ထားပါသည်။
ဩဂုတ်လ (၁)ရက်နေ့မှ ယနေ့ သြဂုတ်လ (၂၇) ရက်နေ့ထိ သီပေါမြို့အတွင်း စစ်ကောင်စီတပ်မှလေကြောင်း နှင့်လက်နက်ကြီး ပစ်ခတ်တိုက်ခိုက်မှုကြောင့် အရပ်သား (၂၁)ဦး သေဆုံးခဲ့ပြီး ကလေးငယ်(၁၀)ဦး အပါအဝင် (၅၉)နီးပါး ထိမှန်ဒဏ်ရာရရှိခဲ့ကြောင်း သိရှိရပါသည်။
