ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်နယ်မြောက်ပိုင်း သိန္နီမြို့နယ် စကခ(၁၆)နောက်တန်းဌာနချုပ်နှင့် ကွတ်ခိုင်မြို့နယ်တွင် ကျန်ရှိသော စစ်ကောင်စီကွတ်ခိုင်ဗျူဟာတို့အား ယမန်နေ့ (၇.၁.၂၀၂၄)ရက်နေ့တွင် သိမ်းပိုက်ရရှိခဲ့ပြီဖြစ်ကြောင်း မြောက်ပိုင်းမဟာမိတ်(၃)ဖွဲ့မှ ထုတ်ပြန်ကြေညာခဲ့သည်။
သိန္နီမြို့အခြေစိုက် စစ်ကောင်စီ စကခ(၁၆) နောက်တန်းဌာနချုပ်အား (၇.၁.၂၀၂၄)ရက်နေ့ နံနက်(၁၀)နာရီခန့်တွင် အပြီးသတ်သိမ်းပိုက်နိုင်ခြင်းသည်။ စကခ(၁၆)တွင် နောက်ဆုံးကျန်ရှိသော စစ်ကောင်စီတပ်သားများသည်လည်း နောက်ဆုံးတွင် စခန်းကိုစွန့်ခွာထွက်ပြေးသွားကြခြင်ဖြစ်သည်။
ကွတ်ခိုင်ဗျူဟာကုန်းကိုလည်း ယမန်နေ့ည(၁၁)နာရီဝန်းကျင်ခန့်တွင် TNLA မှ တိုက်ခိုက်သိမ်းပိုက်နိုင်ခဲ့ပြီး ယခုအခါ ကွတ်ခိုင်မြို့နယ်အတွင်း စစ်ကောင်စီစခန်းအားလုံး လက်လွှတ်ရပြီဖြစ်ကြောင်း သတင်းရရှိသည်။
လက်ရှိတွင် သျှမ်းပြည်နယ်မြောက်ပိုင်း မူဆယ်မြို့နှင့်လားရှိုးမြို့တွင် တိုက်ပွဲဆက်လက်ဖြစ်ပွားမည်ကို ဒေသခံများက စိုးရိမ်လျက်ရှိပြီး လားရှိုးမြို့၌ ညစဉ်ညတိုင်း စစ်ကောင်စီတပ်ဘက်က တစ်ဖက်သတ် လက်နက်ကြီးဖြင့် ပစ်ခတ်မှုများ ပြုလုပ်လျက်ရှိကြောင်း ဒေသခံများ၏ ပြောပြချက်အရ သိရသည်။
