နှစ်ဖက်တွေ့ဆုံဆွေးနွေးနိုင်ရန် SSPP/SSA အား ထိုးစစ်ဆင် တိုက်ခိုက်မှုကို (၁၀) ရက်အတွင်း လုံးဝ အပစ်ရပ်စဲရန် RCSS/SSA ထုတ်ပြန် | ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်နယ်တောင်ပိုင်း၊ လင်းခေးခရိုင်၊ မောက်မယ်မြို့နယ်ရှိ ပုန်းလောဆည်မှာ ပြီးခဲ့တဲ့ သင်္ကြန် အကြတ်နေ့ ဧပြီလ ၁၅ ရက်က အသက် ၂၀ ကျော်အမျိုးသမီးတစ်ဦး အနုကြမ်းစီးခံရတယ်လို့ ဒေသခံတွေဆီက စုံစမ်းသိရပါတယ်။
သင်္ကြန်အတွင်း ပုန်းလောဆည်မှာ စျေးသွားရောက် ရောင်းချနေတဲ့ အမျိုးသမီးကို ဓါးမြတိုက် အနုကြမ်းစီးရန် အမျိုးသားတစ်ဦးက ဆိုင်နောက်ဘက်ကို ဝင်ရောက်လာ၍ အဆိုပါ စျေးရောင်းသူ အမျိုးသမီး၏ ဂုတ်ကို ဆွဲကာ ခေါ်ဆောင်သွားပြီး ထိုအမျိုးသမီးမှ ပတ်ဝန်းကျင်ကို အော်ဟစ်အကူအညီ တောင်းသဖြင့် ထွက်ပြေးသွားရာ ဆည်သို့ လာရောက်လည်ပတ်သူ ပြည်သူများမှ လိုက်လံဖမ်းဆီး ခဲ့တယ်လို့ ဖြစ်စဥ်သိရှိသူ ဒေသခံအမျိုးသမီးတစ်ဦးက Hsan Loi Voice ကို ပြောပါတယ်။
“ အဲ့နေ့က ပုန်းလောဆည် လာလည်တဲ့လူက နည်းတယ်လေ၊ ကုန်းပေါ်မှာ စျေးရောင်းတဲ့လူကလည်း သူမတစ်ယောက်ပဲရှိတယ်၊ အဲ့ဒါနဲ့ အသက် ၁၉ ဝန်းကျင် အရွယ်ရှိတဲ့ အမျိုးသားတစ်ဦးက စျေးလာဝယ်တဲ့ ပုံစံနဲ့ ဆိုင်အနောက်ဘက်ကနေဝင်ပြီး စျေးရောင်းသူအမျိုးသမီးကို လည်ဂုတ်ကနေဆွဲသွားတာ၊ အဲ့အမျိုး သမီး အော်လို့မရအောင် ပါးစပ်ပိတ်ပြီး ဆွဲသွားတဲ့ချိန်မှာ ရေမြောင်းထဲချော်လှဲလို့ သူမလည်း လွတ်သွားတယ်၊ တော်သေးတယ် လူက ဘာမှမဖြစ်သွားဘူး” လို့ ဆိုပါတယ်။
ဖမ်းဆီးရမိတဲ့ အနုကြမ်းစီး ဓါးမြတိုက် ကြံရွယ်သူ အသက် ၁၉ နှစ် ဝန်းကျင် အမျိုးသားတစ်ဦးကို ဒေသခံများက ရဲတပ်ဖွဲ့ထံသို့ အပ်နှံခဲ့တယ်လို့ သိရပါတယ်။
ပြစ်မှုကျူးလွန်သူ အမျိုးသားသည် အမှတ်(၇၀) ခြေလျင်တပ်ရင်းမှ တပ်ပြေးတစ်ဦးဖြစ်ပြီး မူးယစ်ဆေးဝါးလည်း သုံးစွဲထားကြောင်း ရဲတပ်ဖွဲ့များ၏ စစ်ဆေးချက်အရ သိရပြီး ယခုအချုပ်ထောင် ထဲမှာ ဖမ်းဆီးအရေးယူထားတယ်လို့ ဒေသခံများထံမှ စုံစမ်းသိရှိရပါတယ်။
အခုတလော မောက်မယ်မြို့နယ်အတွင်းသို့ လူစိမ်းဝင်ရောက်မှု များလာပြီး နေအိမ်တွေမှာလည်း ညဘက် ပစ္စည်းဝင်ရောက် ခိုးတာတွေရှိနေတယ်လို့ ဒေသခံများရဲ့ ပြောပြချက်အရ သိရပါတယ်။
