ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်နယ်မြောက်ပိုင်း လားရှိုးမြို့တွင်းကို ဇူလိုင်လ (၂၇) ရက်နေ့ ညပိုင်းတွင် UWSA တပ်သားများတင်ဆောင်သော စစ်ကားများ ဝင်ရောက်ခဲ့ကြောင်း သိရသည်။ လားရှိုးမြို့တွင် ဖွင့်လှစ်ထားသော UWSA ပြင်ပဆက်ဆံရေးရုံးနှင့် ပိုင်ဆိုင်မှုများအား ကာကွယ်ရန်အတွက် လားရှိုးမြို့တွင်းကို ဝ တပ်ဖွဲ့များ ဝင်ရောက်လာခြင်းဖြစ်ပြီး စစ်ကောင်စီဘက်ရော MNDAA ဘက်ပါ စစ်ဘက်ရေးရာဝင်ရောက်ပါဝင်မည်မဟုတ်ကြောင်း UWSA ဘက်က ပြောဆိုထားသည်။
လားရှိုးမြို့တွင်းသို့ UWSA တပ်သားများဝင်ရောက်နိုင်ရန် စစ်ကောင်စီဘက်နှင့် MNDAA ဘက်တို့ကို ကြိုတင်အကြောင်းပြီး ဝင်ရောက်ခြင်းဖြစ်ကြောင်း ဝ ပြင်ပဆက်ဆံရေးရုံး အရာရှိ ဦးညီရန်းက ထွက်ဆိုထားသည်။
မည်သို့ပင်ဆိုစေကာမူ UWSA နှင့် MNDAA အဖွဲ့တို့သည် မဟာမိတ်အဖွဲ့များဖြစ်ကြပြီး ဝ တပ်ဖွဲ့များ လားရှိုးမြို့တွင်းကို ဝင်ရောက်လာခြင်းကြောင့် လားရှိုးမြို့တွင် ဖြစ်ပွားနေသော စစ်ပွဲအခြေအနေအား တနည်းတဖုန် သက်ရောက်စေမည်ဖြစ်သည်ဟု ယူဆရသည်။
