“ဝ” ကိုယ်ပိုင်အုပ်ချုပ်ခွင့်ရတိုင်း ပန်ဆန်းမြို့တွင် ကားမိုင်းပေါက်ကွဲပြီး သေဆုံးသူများပြားနိုင်သည်ဟုသိရ

ယနေ့ နိုဝင်ဘာလ(၃၀) ရက်နေ့ နံနက်ပိုင်းတွင် သျှမ်းပြည်နယ် “ဝ” ကိုယ်ပိုင်အုပ်ချုပ်ခွင့်ရတိုင်း ပန်ဆန်းမြို့နယ် နမ့်လွတ်ရွာကားဂိတ်အနီးရှိ (TNLA) ရုံးနှင့် ခေါက်ဆွဲဆိုင်ရှေ့ လမ်းခွဲ၌ Alphard ကားတစ်စီးပေါ် ကားမိုင်းထောင်ထားပြီး ပေါက်ကွဲမှုဖြစ်ပေါ်ခဲ့ကြောင်း သတင်းရရှိသည်။ အဆိုပါကားသည် အချိန်အကြာကြီး လာရောက်ရပ်တန့်ထားခြင်းဖြစ်ပြီး မည်သည့်အဖွဲ့ မည်သူက လာရောက်ရပ်တန့်ထားသည်ကို မသိရသေးဘဲ ပေါက်ကွဲမှု ပြင်းထန်ခဲ့ကြောင်း သိရသည်။

ခေါက်ဆွဲဆိုင်ရှေ့နှင့်ကားဂိတ်အနီးတွင် ပေါက်ကွဲခြင်းဖြစ်သောကြောင့် ဆိုင်အတွင်း ထိုင်နေကြသူများစွာရှိပြီး ထိခိုက်ဒဏ်ရာရသူနှင့် သေဆုံးသူများပြားနိုင်ကြောင်း သိရသည်။ အဆိုပါ ထိခိုက်သူများအထဲတွင် သက်ကြီးရွယ်အိုနှင့် ကိုယ်ဝန်ဆောင်မိခင်များပါဝင်သလို တချို့ထိခိုက်သူများ၏ ခန္ဓာကိုယ်အပိုင်းအစများစွာ လမ်းမကြီး ပျံ့ကျဲလျက်ရှိကာ လူ(၃၀) ဦး အထိ ထိခိုက်သေဆုံးနိုင်သည်ဟု သိရသည်။

အဆိုပါ ကားမိုင်းထောင်ပေါက်ကွဲမှုကြောင့် သေဆုံးသူများ၏ ရုပ်အလောင်းများကို UWSA အဖွဲ့က လာရောက်သယ်ဆောင်လျက်ရှိပြီး ဖြစ်စဉ်ကို စုံစမ်းလျက်ရှိကြောင်း သတင်းရရှိသည်။

credit & khurtai

#HsanLoiVoice

https://instagram.com/hsan.loivoice?igshid=YmMyMTA2M2Y=

https://hsanloivoice.org/