လားရှိုး-မိုင်းယော် လမ်းပေါ်ရှိ သံတံတား ကျိုးကျမှုကြောင့် ဖြတ်သန်းသွားလာမှု ယာယီရပ်ဆိုင်း

သျှမ်းပြည်နယ်မြောက်ပိုင်း၊ လားရှိုး-မိုင်း‌ယော် လမ်းပိုင်းပေါ်ရှိ မိုင်းယော်သံတံတား ကျိုးကျမှုကြောင့် ဖြတ်သန်းသွားလာမှု ယာယီရပ်ဆိုင်းကြောင်း သိရပါ သည်။

ယမန်နေ့ နံနက်ပိုင်းက လားရှိုးမှ မိုင်းယော်ဘက်သို့ ကုန်ကားတစ်စီးသည် သံတံတားဖြတ်သန်းစဉ်တံတားကျိုးကျသွား‌ကြောင်း သိရသည်။

” မိုင်းယော်ကနေ လားရှိူးကို ကုန်ဝယ်ဖို့ သွားမလို့ တံတားကျိုးတော့ သွားမရဘူးဖြစ်နေတယ်၊ ဒီတံတားက ဂျပန်ခေတ်ကတည်းက တည်ဆောက်ထားတဲ့တံတားဖြစ်တယ်၊ အခုတံတားကျိုးသွားတော့ လောလောဆယ် လားရှိူးဘက် သွားလို့မရသေးဘူး” လို့ အဆိုပါ လမ်းအသုံးပြုသူတစ်ဦးထံမှ သိရသည်။

သံတံတားကျိုးကျပျက်စီးမှုကြောင့် ယာဉ်ပေါ်ပါလာသူ ထိခိုက်မှုမရှိကြောင်းလည်း သိရပါသည်။

ယခုကျိုးကျပျက်စီးသွားသည့် သံတံတားသည် လားရှိူး – မိုင်းယော် လမ်းအပိုင်းအတွက် ကုန်သွယ်မှုပြုသည့် အဓိက တံတားတစ်စင်းဖြစ်ပြီး တံတားပျက်စီးသွားခြင်းကြောင့် လမ်းပန်းဆက်သွယ်ရေးခေတ္တရပ်ဆိုင်း‌ကြောင်း သိရပါသည်။