ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်နယ်မြောက်ပိုင်း လားရှိုးမြို့ရှိ Denko စက်သုံးဆီဆိုင်တွင် ယနေ့ (၂၇.၉.၂၀၂၃) ရက်နေ့ ညနေ (၅) နာရီခန့်၌ ဗုံးပေါက်ကွဲမှုဖြစ်ပွားခဲ့ကြောင်း သိရသည်။
ပေါက်ကွဲမှုကြောင့် မီးလောင်မှုဆက်လက်ဖြစ်ပွားပြီး အဝေးပြေးခရီးသည်တင်ယာဉ်ပါ လောင်ကျွမ်းသောကြောင့် ထိခိုက်ဒဏ်ရာရသူ များပြားနိုင်ကြောင်း ဒေသခံတစ်ဦးက ပြောပြသည်။
“ ဆီဖြည့်နေရင်းပေါက်ကွဲတာလား မိုင်းဗုံးကြောင့်ပေါက်ကွဲတာလားတော့ သေသေချာချာ မသိဘူး။ ပေါက်ကွဲပြီး ချက်ချင်းမီးထလောင်တယ် ပြီးတော့ ဆီဖြည့်နေတဲ့ Express ကားတစ်စီးပါထလောင်တော့ ခရီးသည်တွေပါရင်တော့ တော်တော်ထိလိမ့်မယ်။ မီးလောင်နေတဲ့အချိန် အဲ့နားတောင်ကပ်လို့မရဘူး မီးအားတော်တော်ပြင်းပါတယ်။” ဟု လားရှိုးမြို့ ပရဟိတလူမှုညီရေးအဖွဲ့ဝင်တစ်ဦးက ပြောပြသည်။
ထိခိုက်ဒဏ်ရာရသူများ၏ အသေးစိတ်သတင်းအချက်အလက်ကို မသိရသေးပါ။
