ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်နယ်မြောက်ပိုင်း လားရှိုးမြို့ ရပ်ကွက်(၇)၊ နယ်မြေ(၆) လမ်းသွယ်(၂၉) ညောင်ဦးဖီးလမ်းကြားတွင် ယနေ့ နေ့လည်(၁၂း၁၀)နာရီခန့်က ကလေးငယ်တစ်ဦးက ရပ်ကွက်အတွင်း ကောက်ရသော လက်ပစ်ဗုံးအား ယူဆော့ကစားရာမှတဆင့် ပေါက်ကွဲမှုဖြစ်ပွားပြီး ကလေး(၄)ဦး ထိခိုက်ဒဏ်ရာပြင်းထန်စွာ ရရှိခဲ့သည်။
“အသက်(၁၂)အရွယ်လောက်ရှိတဲ့ ကလေးတစ်ယောက်က လက်ပစ်ဗုံးကောက်ရပြီး ဆော့နေချိန် ကျောင်းဆင်းချိန်ဖြစ်တော့ နောက်ထပ်ကလေးတွေလည်း ဝိုင်းကြည့်နေကြတဲ့အချိန် ပေါက်ကွဲမှုဖြစ်တာပါ။ အဲ့ဒါကြောင့်အဲ့နားမှာရှိတဲ့ ကလေးငယ် မိန်းကလေး(၂)ယောက်၊ ယောက်ျားလေး(၂) ယောက် ကလေး(၄)ယောက် ဗုံးပေါက်ကွဲတဲ့ဒဏ်ထိပြီး ဒဏ်ရာတော်တော်ပြင်းပြင်းထန်ထန်ရကြတယ်။ ဘယ်သူကဗုံးကိုပစ်သွားတာလဲ တမင်ချခဲ့တာလား ပြုတ်ကျခဲ့တာလားတော့ မသိဘူး။ မနေ့ညတုန်းကလည်း လားရှိုးမြို့ထဲမှာ သေနတ်ပစ်သံ (၂)ချက်ကြားရသေးတယ်။” ဟု လားရှိုးဒေသခံတစ်ဦးက ပြောပြသည်။
အဆိုပါ ကလေးငယ်(၄)ဦးအား လားရှိုးမြို့ လူမှုကူညီရေးအသင်းက လားရှိုးပြည်သူ့ဆေးရုံသို့ ကုသမှုခံယူရန် ပို့ဆောင်ပေးထားကြောင်း သိရသည်။
