လင်းခေးက ကိုယ်ထူကိုယ်ထ နမ့်တိန်းချောင်းကူးတံ တား (သို့မဟုတ်) ၶူဝ်ၶၢမ်ႈၼမ်ႉတဵင်း

Hsan Loi Editor

30/07/2023

သျှမ်းပြည်နယ်တောင်ပိုင်း ၊ လင်းခေးမြို့ ပုံးထွန်ကျေး ရွာအုပ်စု ဝမ်ကွန် နဲ့ ဝမ်ကိုင်း ရွာချင်းဆက်သည့် နမ့်တိန်းချောင်းကူးတံတား အားကိုယ်ထူကိုယ်ထတည်ဆောက်နေသည်မှာ ၅၀ ရာခိုင်နှုန်း ခန့်ပြီးစီးနေပြီ ဖြစ်ကြောင်း လင်းခေးဒေသခံများထံမှ သိရသည်။

“ ဟိုးအရင်တုန်းကတော့ တစ်ရွာနဲ့ တစ်ရွာသွားလာဖို့နမ့်တိန်းချောင်းကို ‌လှေနဲ့ဖြတ်ကူးရတယ်၊ နောက်ပိုင်းတော့ ယာယီတံတားတွေ လုပ်လာကြတယ် ၊ ယာယီတံတားက ၆ လ တစ်နှစ်ထက်ပိုမခံဘူး ရေကြီးချိန်ဆို ပျက်ရောအ ခုကတော့ ခိုင်မာတဲ့ တံတားတစ်စင်းအဖြစ် ကိုယ်ထူကိုယ် ထတည် ဆောက်နေကြတာပေါ့ ” ဟု လင်းခေးဒေသခံတစ်ဦးကပြောသည်။

တံတားတည်ဆောက်ရာမှာ အစိုးရဘတ်ဂျက် အနည်းငယ်သာရရှိခဲ့ပြီး လိုအပ်သည့် ရန်ပုံငွေများကို ရပ်ဝေးရပ်နီး အလှူရှင်များမှပါဝင်လှူဒါန်းထားကြောင်း အဆိုပါဒေသခံကပြောသည်။

“ အစိုးရကတော့ သိန်း ၈၀ ပဲချပေးတာ ၊ ကျန်တာ ရပ်ဝေးရပ်နီး အလှူရှင်တွေရဲ့ ရန်ပုံငွေနဲ့ပဲ ဆက်သွားနေရတာပေါ့ အစိုးရကိုစောင့်နေရင် အသက် ၉၀ ကျော်သွားလိမ့်မယ် ” ဟု၄င်းကဟုဆိုသည်။

အဆိုပါတံတားတည်ဆောက်ရာမှာ ဆရာတော် ဘဒ္ဒန္တဝိမလဘိပါလ ဦးဆောင်၍တည်ဆောက်ခဲ့ခြင်းကြောင့် အဘိပါလမေတ္တာကြိုးတံတား (ဝမ်ကွန်) ဟုလည်းခေါ်ဆိုပြီး ဒီဇင်ဘာလမှ စတင်တည်ဆောက်ကာ ၇ လအကြာတွင် ၅၀ ရာခိုင်နှုန်း ခန့် တည်ဆောက်ပြီးစီးပြီဖြစ်ကြောင်း သိရသည်။