သျှမ်းပြည်တောင်ပိုင်း ၊ ဓနုဒေသ၊ ရွာငံမြို့နယ်တောင် ကြားကျေးရွာတွင် နေထိုင်ပြီး ရပ်စောက်မြို့ ဗထူးတပ်အမှတ်(၅၀၉) ခြေမြန်တပ်ရင်းမှ သင်တန်းဆင်းလာသည့် ဦးကျော်မဲဆိုသူအား ပစ်ခတ်ရှင်းလင်းခဲ့ကြောင်း ဇနဝါရီ ၁၁ ရက်တွင် Ywangan PDF-(JPRF)က ထုတ်ပြန်ထားသည် ။
” သူ့ရဲ့လုပ်ရပ်ကိုတရွာလုံးကမကြိုက်ဘူး။ သူက စစ်တပ် ကိုလဲ ရွာထဲခေါ်လာတယ်။ စစ်ကြောင်းထိုးရင်သူကလမ်းပြပေးပြီးရွာထဲမှာရှိတဲ့PDFနေအိမ်တွေကိုလိုက်ပြတယ်။ မီးရှို့ဖျက်ဆီးတယ် ” တောင်ကြားကျေးရွာဒေသခံတစ်ဦးကပြောသည် ။
ဦးကျော်မဲသည် ရွာငံမြို့နှင့်ပင်းတယမြို့နယ်တို့တွင် ပျူစောထီးသင်တန်းများ လိုက်ပေးနေသူဖြစ်ပြီး ကျေး ရွာတော်တော်များတွင်လဲ ပျူစောထီးများစု ဆောင်းပေးလျက်ရှိကြောင်း ထုတ်ပြန်ချက်တွင်ပါရှိသည် ။
၄င်းသည် တပ်မ(၅၅)ဘက်တံဆိပ်ဖြင့် စစ်ကြောင်းတွင်လိုက်ပါနေသူဖြစ်ပြီး စစ်ကြောင်းမှနေအိမ်သို့ပြန်နားချိန်တွင် Ywangan PDF-(JPRF)နှင့်တပ်ခွဲ (၃) မှော်ဘုရင်စစ်ကြောင်းပူးပေါင်းတပ်ဖွဲ့တို့ပူးပေါင်းကာ ဇန်နဝါရီလ၊ (၁၀)ရက် ညနေ ၆း၄၅မိနစ်အချိန်တွင်ပစ်ခတ်ရှင်းလင်းခဲ့ပြီး စစ်ယူနီဖောင်း၊ AKကျည်(၁၀)တောင့်၊ လက်ပစ်ဗုံး (၂)လုံးတို့ကိုသိမ်းဆည်းရရှိခဲ့ကြောင်း သိရသည် ။
ထို့အပြင် ရွာငံမြို့နယ်၊ပင်းတယမြို့နယ်မှ စစ်ကောင်စီတပ်ဖွဲ့ဝင်များနှင့် ပျူစောထီးများကို ပြည်သူ့ရင်ခွင်ထံ အမြန်ဆုံးခိုလှုံကြရန် Ywangan PDF-(JPRF)ဆက်လက်အသိပေးထားသည်။
Photo – Ywangan PDF-(JPRF)