ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
မိုးသည်းထန်စွာရွာသွန်းပြီး ရေကြီးရေလျှံမှုကြောင့် သျှမ်းပြည်နယ် မိုင်းကိုင်မြို့နယ် တုံလောကျေးရွာအနီး မိုင်းကိုင်-နမ့်လန် ကားလမ်းမပေါ်ရှိ ဆားတောတံတားသည် အောက်တိုဘာလ(၁)ရက်နေ့ ယမန်နေ့က ပြိုကျပျက်စီးသွားခဲ့ပြီဖြစ်ကြောင်း သိရသည်။ ထို့ကြောင့် သျှမ်းပြည်နယ်မြောက်ပိုင်းနှင့် သျှမ်းပြည်နယ်တောင်ပိုင်းကို ခရီးသွားလာရာတွင် အသုံးပြုသော နမ့်လန်-မိုင်းကိုင်လမ်းသည်လည်း ဖြတ်သန်းသွားလာနိုင်တော့မည်မဟုတ်ပါ။
“စက်တင်ဘာလ(၃၀)ရက်နေ့ကတည်းက မိုးပြန်ရွာလာလို့ ရေပြန်ကြီးလာပြီးတော့ တုံလောတံတား ပြိုကျပျက်စီးသွားပြီ။ ကားရော၊ ဆိုင်ကယ်ရော သွားလို့ လုံးဝမရတော့ဘူး။ ပန်လော့ရွာနားမှာလည်း လမ်းပေါ်အထိ ရေတက်လာပြီးတော့ လမ်းတွေ ပျက်စီးကုန်ပြီ။ မနေ့ကဆိုရင် ရေကြီးပြီးတော့ ကျွဲတွေ နွားတွေတောင် ရေထဲမျှောပါသွားတာတွေရှိတယ်။ စပါးခင်းတွေလည်း ပျက်စီးကုန်ပြီ။”ဟု တုံလောကျေးရွာမှ ဦးစိုင်းလုံက ပြောပြသည်။
တုံလောတံတား ကျိုးကျပျက်စီးမှုကြောင့် သျှမ်းပြည်နယ်မြောက်ပိုင်းနှင့် သျှမ်းပြည်နယ်တောင်ပိုင်းကို ခရီးသွားလာရန် ပိုမိုခက်ခဲစေကြောင်း သိရသည်။
