မြန်မာနှစ်သစ်ကူးကာလအတွင်း စစ်ကောင်စီတပ်နှင့် တိုက်ပွဲဖြစ်ပွားပြီး လက်နက်ခဲယမ်းများစွာ သိမ်းဆည်းရမိခဲ့ကြောင်း ကရင်နီပူးပေါင်းတပ်မှ ဖော်ပြ

ကရင်နီပြည်နယ်(ကယားပြည်နယ်) ဒီးမော့ဆိုမြို့နယ်၌ စစ်ကောင်စီတပ်နှင့် ကရင်နီပူးပေါင်းတပ် တို့သည် ဧပြီလ (၁၆)ရက်နေ့နှင့်(၁၇)ရက်နေ့တို့တွင် တိုက်ပွဲများဖြစ်ပွားခဲ့ကြောင်း သိရသည်။ အဆိုပါတိုက်ပွဲအတွင်း ကရင်နီပူးပေါင်းတပ်က စစ်ကောင်စီတပ်ထံမှ လက်နက်ကြီးလက်နယ်ငယ်များနှင့်ခဲယမ်းများစွာ သိမ်းဆည်းရမိခဲ့ကြောင်း ယနေ့တွင် ဖော်ပြခဲ့သည်။

တိုက်ပွဲ၌ စစ်ကောင်စီဘက်၌ တပ်သားများစွာ သေဆုံးနိုင်ပြီး ကရင်နီပူးပေါင်းတပ်ဘက်မှ တစ်ဦး ကျဆုံးခဲ့သည်။ တိုက်ပွဲများ ယနေ့အထိ ဆက်လက်ဖြစ်ပွားနေသေးကြောင်း သတင်းရရှိသည်။