ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်နယ်တောင်ပိုင်း၊ လင်းခေးခရိုင် မောက်မယ်မြို့နယ်၊ ကုန်းလမ်းရပ်ကွက်ရှိ နမ့်ယွမ်းချောင်းကူး ကျောင်းခုံတံတားကို ပြည်ထောင်စုဘတ်ဂျက် ကျပ်(၃ဘီလီယံ)ဖြင့် ယခုဘဏ္ဍာနှစ် အတွင်း စတင်တည်ဆောက်သွားမည် ဖြစ်ကြောင်းသိရပါသည်။
မောက်မယ်မြို့နယ်နှင့် လင်းခေးမြို့နယ်ချင်းဆက် အဓိကလမ်းပေါ်ရှိ လမ်းဦးစီးဌာနပိုင် ပေ(၂၃၀)ခန့် အရှည်ရှိသည့် နမ့်ယွမ်းချောင်းကူး ကျောင်းခုံတံတားသည် သစ်သားတံတား အမျိုးအစားဖြစ်ပြီး နှစ်စဥ် ရေတိုက်စားမှုကြောင့် ခိုင်ခံ့မှုအားနည်းလာကာ တံတားအသစ်တစ်စင်း လိုအပ်လာလျက် ရှိကြောင်းသိရသည်။
“တံတားက ပြင်သင့်တာ ကြာနေပြီ၊ အခု တံတားအသစ်ဆောက်မယ်ဆိုတော့ ပိုကောင်းတာပေါ့၊ အရင်တံတားအဟောင်းက ကားတစ်စီး ဒီဘက်ကနေဖြတ်ရင် ဟိုဘက်ကလာမယ့်ကားနဲ့ ဆိုင်ကယ်က အဲ့ဘက်ထိပ်ကို စောင့်နေရတာ၊ အချိန်လည်းကုန်တယ်၊ ကားကြီးတွေ ဖြတ်ရင် တံတားကယိုင်နေတာ၊ အန္တရာယ်လည်းများတယ်လေ” လို့ ဒေသခံတစ်ဦးက ပြောသည်။
ဇွန်လ(၂၀)ရက်နေ့ကစပြီး အဆိုပါ နမ့်ယွမ်းချောင်းကူး ကျောင်းခုံတံတားအဟောင်းကို စတင်ဖျက်ဆီးနေပြီဖြစ်ကာ ယခု တည်ဆောက်သွားမည့် တံတားအသစ် တစ်စင်းသည် သံကူကွန်ကရစ် အမျိုးအစား ဖြစ်ပြီး တံတားကို (၃)နှစ်စီမံကိန်းနဲ့ အပြီးတည်ဆောက်သွားမည်ဖြစ်ကြောင်း သိရှိရပါသည်။
