နှစ်ဖက်တွေ့ဆုံဆွေးနွေးနိုင်ရန် SSPP/SSA အား ထိုးစစ်ဆင် တိုက်ခိုက်မှုကို (၁၀) ရက်အတွင်း လုံးဝ အပစ်ရပ်စဲရန် RCSS/SSA ထုတ်ပြန် | ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
တိုက်ပွဲဖြစ်ပွားခြင်းမရှိပဲ စစ်ကောင်စီက ပအိုဝ်းအမျိုးသားလွတ်မြောက်ရေးအဖွဲ့ချုပ် PNLA ဌာနချုပ်ရှိရာ သျှမ်းပြည်နယ်တောင်ပိုင်း၊ မောက်မယ်မြို့နယ်၊ ကဒူးကြီးကျေးရွာအုပ်စု၊ ဗန်းမက် ကျေးရွာကို ယနေ့ ဒီဇင်ဘာလ(၃၁)ရက်နေ့မှာ ဂျက်လေယာဉ်ဖြင့် လာရောက်ဗုံးကြဲတိုက်ခိုက်ကြောင်း PNLA ထံမှ သိရသည်။
စစ်ကောင်စီမှ ယနေ့ နံနက်(၁၁)နာရီအချိန်မှာ ဗုံး ၄လုံး လာရောက်ကြဲချတိုက်ခိုက်မှုကြောင့် ဌာနချုပ်အတွင်းရှိ အများပြည်သူကို ဝန်ဆောင်မှုပေးနေသည့် ဆေးခန်းတစ်ခု ထိခိုက်ပျက်စီးခဲ့ရ ကြောင်း ထုတ်ပြန်ထားပါသည်။
ပြီးခဲ့သည့် နိုဝင်ဘာလ(၂၀)ရက်နေ့ကလည်း ဆိုက်ခေါင်−ဟိုနမ့် ပွန်ချောင်းတံတားအနီးရှိ PNLA တပ်စခန်းကို စစ်ကောင်စီက လေကြောင်းဖြင့် ဗုံး ၃ လုံး ကြဲချတိုက်ခိုက်ခဲ့ပြီးနောက် ဟိုနမ့်ကျေးရွာ ဘက်မှ PNLA တပ်စခန်းများကို စစ်ကောင်စီနှင့် PNO ပြည်သူ့စစ်တို့က ထိုးစစ်ဆင်တိုက်ခိုက် ခဲ့သလို ကျေးရွာရှိ လူနေအိမ်များကိုလည်း မီးရှို့ဖျက်ဆီးသွားကြောင်း သိရသည်။
