မောက်မယ်နှင့် လင်းခေးကြား လျှပ်စစ်မီးတိုင်(၆)တိုင် လှဲကျမှုကြောင့် လျှပ်စစ်မီးပြတ်တောက်

သျှမ်းပြည်တောင်ပိုင်း၊ မောက်မယ်မြို့နယ်နှင့် လင်းခေးမြို့နယ်ကြားရှိ လျှပ်စစ်မီးတိုင်များ လှဲကျမှုကြောင့် လျှပ်စစ်မီးများပြတ်တောက်လျက်ရှိကြောင်း သိရသည်။

ယမန်နေ့ည ဩဂုတ်လ(၁၆)ရက် ညပိုင်းအချိန်က မိုးသည်းထန်စွာ ရွာသွန်းမှုကြောင့် တောင်ကျချောင်းရေများကျ‌ရောက်ပြီး မောက်မယ်မြို့နယ်နှင့်လင်းခေးမြို့နယ် ဝမ်ဟတ်တိုက်နယ်ရှိ လျှပ်စစ်မီးတိုင်(၆)တိုင် လှဲကျကာ မောက်မယ်မြို့မှာ လျှပ်စစ်မီးများပြတ်တောက်နေကြောင်း သိရသည်။

“ မနေ့ညက မိုးတအားရွာတော့ ဝမ်ဟတ်ကျေးရွာအထွက် မောက်မယ်ဘက် အတက် တောင်‌ခြေနားမှာ မိုးရွာပြီး တောင်ကျချောင်းရေ တိုက်စားလို့ မီးတိုင်တွေ လှဲကျသွားတယ်၊ လျှပ်စစ်ဝန်ထမ်း တွေတော့ သွားပြင်နေတယ်၊ ဓါတ်တိုင်(၆)တိုင် လှဲတာဆိုတော့ နည်းနည်းကြာမယ်ထင်တယ်” လို့ ဒေ‌သခံတစ်ဦးက ပြောသည်။

ဓါတ်တိုင်များ လှဲကျမှုမရှိပေမယ့်လည်း မောက်မယ်မြို့နယ်အတွင်းသို့ ပုံမှန်ဖြန့်ဖြူးပေးသည့် လျှပ်စစ်မီးသည် မီးလာချိန်ထက် မီးပျက်ချိန်က ပိုများနေကြောင်း ‌သိရှိရပါသည်။