မေလ (၂၅)ရက်နေ့ ညပိုင်း၌ တောင်ကြီးမြို့တွင် ကား(၅)စီးဆင့်တိုက်မှုဖြစ်ပွား

သျှမ်းပြည်နယ်တောင်ပိုင်း တောင်ကြီးမြို့ ဗိုလ်ချုပ်ပန်းခြံရှေ့ ဗိုလ်ချုပ်လမ်းတွင် ကားတစ်စီးက အရှိန်လွန်မောင်းနှင်လာသော အရှိန်မထိန်းနိုင်ဘဲ ရှေ့ကားကိုတိုက်မိရာမှ ကား(၅)ဆင့်တိုက်မှု မေလ(၂၅)ရက်နေ့ ည(၉း၃၀)နာရီခန့်တွင် ဖြစ်ပွားခဲ့သည်။

“ဗိုလ်ချုပ်ပန်းခြံအနီး Chill Bar ရှေ့မှာ ကားတစ်စီးက အရှိန်နဲ့မောင်းလာပြီး အရှိန်မထိန်းနိုင်ဘဲ ကား(၅)စီးဆင့်တိုက်သလိုဖြစ်သွားတယ်။ တိုက်မိတဲ့ကားက လိုင်စင်နဲ့လား Without လားဆိုတာတော့ မသိဘူး။ ယာဉ်တိုက်မှုကြောင့် တစ်ယောက်မှ ပြင်းပြင်းထန်ထန် ဒဏ်ရာမရတာပဲ ကံကောင်းနေပြီပြောရမယ်။”ဟု ဖြစ်စဉ်အနီးရှိ တောင်ကြီးသားတစ်ဦး ပြောပြသည်။

မိုးရာသီရောက်ပြီဖြစ်သည့်အတွက် ညပိုင်းကားမောင်းနှင်ကြသူများအနေဖြင့် အရှိန်လျှော့ပြီး ဂရုစိုက်မောင်းနှင်ကြရန် တောင်ကြီးသူ/တောင်ကြီးသားများက တောင်းဆိုထားသည်။