ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
၂၀၂၄ ခုနှစ် ဇွန်လ (၂၂)ရက်နေ့က သျှမ်းပြည်နယ်မြောက်ပိုင်း မူဆယ်မြို့ ၁၀၅ မိုင်တွင် နမ့်ဖတ်ကာဖက်ကနေ ကားဖြင့်တင်လာသော ကျွဲတစ်ကောင် အနီးပတ်ဝန်းကျင်ရှိ လူများအား တိုက်ခိုက်မှုပြုလုပ်ခဲ့သည်။ ကျွဲတိုက်ခိုက်ခြင်းခံရပြီး အသက်(၅၀)နှစ်ကျော်အရွယ် အမျိုးသမီးတစ်ဦး သေဆုံးပြီး လူ(၂၀)ဦးခန့် ထိခိုက်ဒဏ်ရာ ရရှိခဲ့သည်။
“နမ့်ဖတ်ကာကနေ ကျွဲကိုဝယ်လာပြီးတော့ ၁၀၅ မိုင်အရောက် ကျွဲကို ချတဲ့အချိန်မှာ ကျွဲကစိတ်ရိုင်းဝင်ပြီး တွေ့သမျှလူတွေကို လိုက်ခွေ့တော့တာပဲ။ အဲ့ဒီမှာ အမျိုးသမီးတစ်ယောက်ရင်ဘတ်ကို ဝင်တိုက်သွားပြီး အဲ့ဒီအမျိုးသမီးတော့ သေသွားပြီ။ ရပ်ကွက်တွေထဲလည်း တစ်အိမ်ပြီးတစ်အိမ် ဝင်ပြီး တွေ့သမျှလူတွေကို ဒေါသတစ်ကြီး လိုက်တိုက်ခိုက်နေတာ လက်ကျိုးတဲ့လူနဲ့ ခြေကျိုးတဲ့လူတွေနဲ့ လူအများကြီး ထိခိုက်ဒဏ်ရာရကုန်တယ်။”ဟု မူဆယ်မြို့နေသူတစ်ဦးက ပြောပြသည်။
အဆိုပါကျွဲကို MNDAA အဖွဲ့က အသေပစ်သတ်လိုက်ပြီဟုလည်း သိရသည်။ သျှမ်းပြည်နယ်မြောက်ပိုင်း မူဆယ်မြို့သို့ အနယ်နယ်အရပ်ရပ်မှ ကျွဲနွားများ ကားဖြင့် တင်ဆောင်လာပြီး ထိုမှတဆင့် တရုတ်နိုင်ငံသို့ တင်ပို့ရောင်းချကြခြင်းဖြစ်သည်။
