ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
မူဆယ်မြို့နယ်အတွင်း TNLA နှင့် စစ်ကောင်စီတပ်တို့ တိုက်ပွဲဖြစ်ပွားမှုကြောင့် ဝိန်းနန်းကျေးရွာ၊ ဟိုပေါ့ကျေးရွာ၊ ခိုးဝိန်းကျေးရွာတို့မှ မိဘပြည်သူများသည် နီးစပ်ရာ ဆွေမျိုးများထံ ထွက်ပြေးတိမ်းရှောင်နေရကြောင်း သိရသည်။ ထို့အထဲတွင် လက်နက်ကြီးကျည်များ ကျေးရွာအတွင်း ကျရောက်ပေါက်ကွဲမှုကြောင့် ဒေသခံမိဘပြည်သူအချို့နှင့် သံဃာတော်အချို့ ထိခိုက်ဒဏ်ရာရရှိခဲ့သည်ဟုဆိုသည်။
“(၂)ဘက်သော တပ်တွေက အပြန်အလှန်လက်နက်ကြီးတွေနဲ့ ပစ်ခတ်ကြတော့ ဘုန်းကြီးကျောင်းတွေရော ရွာထဲကအိမ်တွေပါ ထိခိုက်ပျက်စီးကုန်တယ်။ ကျန်းဆာကျေးရွာက အမျိုးသမီးငယ်တစ်ဦးလည်း လက်နက်ကြီးကျည်စထိပြီး ထိခိုက်ဒဏ်ရာရတယ်။ စယ်လန့်ကျေးရွာအုပ်စု ဆုတောင်းပြည့်ကျောင်းမှ ကျောင်းထိုင်ဆရာတော်လည်း လက်နက်ကြီးကျည်ကျောင်းပေါ်ကျရောက်ပေါက်ကွဲမှုကြောင့် ထိခိုက်ဒဏ်ရာရရှိခဲ့တယ်။” ဟု မူဆယ်မြို့နယ် လူငယ်ခေါင်းဆောင်ဒေသခံတစ်ဦးကပြောပြသည်။
လက်ရှိတွင် မူဆယ်မြို့နယ် ပန်ခမ်းရွာဘုန်းကြီးကျောင်း၌ စစ်ဘေးရှောင်အိမ်ထောင်စု(၁၉)စုနှင့် အနီးပတ်ဝန်းကျင်မှ သံဃာတော်များ ရောက်ရှိတိမ်းရှောင်နေကြောင်း သတင်းရရှိသည်။
