ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
မိုးရွာသွန်းမှုကြောင့် ရေလွှမ်းမိုးသွားတဲ့ သျှမ်းပြည်နယ်တောင်ပိုင်း၊ မိုးနဲမြို့မှ စပါးစိုက်ခင်း များကို ပြန်လည်ကုစား စိုက်ပျိုးနိုင်ရန် သျှမ်းပြည်ပြန်လည်ထူထောင်ရေးကောင်စီ/သျှမ်းပြည် တပ်မတော် (RCSS/SSA) မှ ရေဘေးသင့် တောင်သူလယ်သမားများအတွက် ပဲပုပ်မျိုးစေ့ ပိဿာ (၃၀၀၀)အား အခမဲ့ သွားရောက်ကူညီထောက်ပံ့ပေးခဲ့ကြောင်း သိရသည်။
မိုးနဲ့မြို့မှ တောင်သူလယ်သမားများထံ မျိုးစေ့ထောက်ပံ့ပေးအပ်ခြင်းကို ယမန်နေ့ စက်တင်ဘာလ(၈)ရက်နေ့က ကန်တုံကျေးရွာ မိုးနဲမြို့နယ်မှာ ကျင်းပသွားကြောင်း သိရသည်။
ပြီးခဲ့သည့် သြဂုတ်လ(၁၄)ရက်မှ စက်တင်ဘာလ (၂၈)ရက်နေ့အထိ မိုးသည်းထန်ရွာသွန်းမှု ကြောင့် မိုးနဲမြို့မှ လယ်ယာစိုက်ခင်းများ ရေကြီးနှစ်မြုပ်ပြီး တောင်သူလယ်သမားများ၏ စိုက်ခင်းများ ဆုံးရှုံးမှုများကြောင်း သိရသည်။
သျှမ်းပြန်ပြန်လည်ထူထောင်ရေးကောင်စီ/သျှမ်းပြည်တပ်မတော်အနေဖြင့် ပြီးခဲ့သည့် သြဂုတ် လ(၂၉)ရက်နေ့က ကျိုင်းတောင်းမြို့မှ ရေဘေးသင့်ပြည်သူများကို သွားရောက်ထောက်ပံ့ပေး သလို သြဂုတ်လ(၃၀)ရက်နေ့ကလည်း လင်းခေးမြို့နယ် ဝမ်ဟတ်တိုက်နယ် အတွင်းရှိ ရေကြီးနှစ်မြုပ်တဲ့ ကျေးရွာနေပြည်သူများကို စားနပ်ရိက္ခာ သွားရောက်ထောက်ပံ့ပေးကြောင်း သိရသည်။
