မိုးညှင်းမြို့နယ် သျှမ်းလူမျိုးများနေထိုင်သည့် မော်ဟန်ကျေးရွာ အထက်တန်းကျောင်းအုပ်ကြီးအား အမည်မသိလက်နက်ကိုင်အဖွဲ့မှ ကျည်ဆန်ပါသော ခြိမ်းခြောက်စာပို့

ကချင်ပြည်နယ် မိုးညှင်းမြို့နယ် မော်ဟန်ကျေးရွာရှိ အထက်ကျောင်းအုပ်ကြီးအား အမည်မသိလက်နက်ကိုင်အဖွဲ့မှ ကျည်ဆန်နှင့်အတူ ခြိမ်းခြောက်စာပို့တစ်စောင်အား ဇွန်လ (၆) ရက်နေ့က ပေးပို့ခဲ့ကြောင်း သိရသည်။

အဆိုပါစာထဲတွင် “ကျောင်းအုပ်ဆရာမကြီး သိစေရန် အကြောင်းကြားအပ်ပါတယ်။ စစ်ကောင်စီအလိုကျ ကျောင်းများကို တိုးချဲ့ဖွင့်ဘို့ ရွာကိုဖိအားပေးခြင်းမှ ချက်ချင်းရပ်ပါ။ ဆက်လက်ပြုလုပ်ပါက တစ်စုံတရာဖြစ်ပါက ကျောင်းအုပ်ဆရာမကြီး၏ တာဝန်သာဖြစ်သည်။ ပုံ/မယုံရင်ဆက်လုပ်” ဟူ၍ ရေးသားထားသည်။

မော်ဟန်ကျေးရွာသည် မိုးညှင်းမြို့နှင့် (၁၂) မိုင်ခန့်ဝေးပြီး သျှမ်းလူမျိုးများနေထိုင်သော ကျေးရွာတစ်ခုဖြစ်သည်။