ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
မန္တလေးတိုင်း၊ မိုးကုတ်မြို့အရှေ့ပိုင်းမှာ ယမန် နေ့ မွန်းလွှဲပိုင်းက စစ်ကောင်စီတပ်မှ Y-12 လေယာဉ်နဲ့ လာရောက်ဗုံးကြဲ တိုက်ခိုက်ခဲ့လို့ ဂေါက်ကွင်းနဲ့ မစိုးရိမ်ကျောင်းတိုက်အတွင်း ကျရောက် ပေါက်ကွဲခဲ့တယ်လို့ သိရပါတယ်။
စစ်ကောင်စီက လေယာဉ်နဲ့ လာရောက်ဗုံးကြဲ တိုက် ခိုက်တဲ့အတွက်ကြောင့် ဂေါက်ကွင်းမှာ ဗုံး(၁၄)လုံးနဲ့ မစိုးရိမ်ကျောင်းတိုက်မှာ ဗုံး(၅)လုံး ကျရောက် ပေါက်ကွဲ ခဲ့ပြီး နေအိမ်(၅)လုံးအပြင် ဘုန်းကြီးကျောင်းနဲ့ မော်တော်ယာဥ်(၁)စီး ထိခိုက်ပျက်စီးသွားကာ ဒေသခံပြည်သူ လူထု ထိခိုက်သေဆုံးမှု တစ်စုံတရာမသိရသေးဘူးလို့ TNLA ထံမှသိရပါတယ်။
ဒါ့အပြင် မိုးကုတ်မြို့အနောက်ပိုင်းရှိ ကျောက်ဆင်၊ ဘော်မားရပ်ကွက်မှာလည်း လာရောက်ကြဲချတိုက်ခိုက်ခဲ့တယ်လို့ သိရပါတယ်။
ပြီးခဲ့သည့် နိုဝင်ဘာလ(၁၁)ရက်ကလည်း မိုးကုတ်မြို့ပေါ် သို့ စစ်ကောင်စီက လေကြောင်းဖြင့် ဗုံးကြဲမှုကြောင့် ပြည်သူ(၉)ဦးသေဆုံးပြီး (၁၃)ဦးဒဏ်ရာရရှိခဲ့တယ်လို့ သိရပါတယ်။
