ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်နယ်တောင်ပိုင်း၊ မိုင်းရှူးမြို့နယ် တောတွင်းတစ်နေရာက တရားမဝင် ကျားဖြန့်ငွေလိမ်ဂိုဏ်းတစ်ခုကို ယမန်နေ့ မတ်လ ၂၃ ရက် နံနက်အစောပိုင်းက ရှမ်းပြည်တိုးတက်ရေးပါတီ/ရှမ်းပြည်တပ်မတော် SSPP/SSA မှ ဝင်ရောက်ဖမ်းဆီးခဲ့တယ်လို့ SSPP က ယနေ့ထုတ်ပြန်ထားပါတယ်။
ကျားဖြန့်ငွေလိမ်ဂိုဏ်း ဝင်ရောက်ဖမ်းဆီးစဉ် တရားမဝင် တရုတ်နိုင်ငံသား အချို့နဲ့ ငွေလိမ်လုပ်ငန်းမှာ အသုံးပြု တဲ့ ဖုန်းမျိုးစုံ၊ iPad ၊ ကွန်ပျုတာမျိုးစုံ တို့ အများအပြား ဖမ်းဆီးရမိခဲ့တယ်လို့ ထုတ်ပြန်ထားပေမယ့် ဖမ်းဆီးရမိတဲ့ ပစ္စည်းနဲ့ လူ အရေအတွက်ကိုတော့ ထုတ်ပြန်ထားတာ မတွေ့ရှိရပါဘူး။
ဖမ်းဆီးရမည့်တဲ့ တရုတ်နိုင်ငံသားများကို သက်ဆိုင်ရာ တရုတ်နိုင်ငံသို့ ပြန်လည်လွဲပြောင်းပေးမယ်လို့ ဆိုပါတယ်။
SSPP အုပ်ချုပ်ရေးနယ်မြေအတွင်းမှာ ကျားဖြန့်အွန်လိုင်း ငွေလိမ်ဂိုဏ်းများကို အဖွဲ့လိုက်ဖြစ်စေ တစ်ဦးချင်း ဖြစ်စေ လက်ခံထားရှိခြင်းမပြုရန်တပ်မှူး ၊ ဌာနမှူး အဆင့်ဆင့်နှင့် အုပ်ချုပ်ရေးတာဝန်ခံ အဆင့်ဆင့် အပါ အဝင် မိဘပြည်သူများအားလုံးသို့ ပြီးခဲ့တဲ့ ယမန်နှစ် မေလ ၁၃ ရက်က SSPP မှ အမိန့်ထုတ်ပြန်ထားခဲ့ပြီဖြစ်ကာ ငွေလိမ်ဂိုဏ်းများနဲ့ ပါဝင်ပါတ်သက်ကြောင်းသိရှိပါက ထိရောက်စွာ ဖမ်းဆီးအရေးယူသွားမယ်လို့ ထုတ်ပြန်ထားပါတယ်။
