ပန်းရံလုပ်ပြီး စုဆောင်း၍ရသည့်ငွေဖြင့် လေယာဉ်ပျံပုံ အိမ်ဆောက်လိုက်သော ကမ္ဘောဒီးယား အမျိုးသား 

အဆိုပါ ကမ္ဘောဒီးယားအမျိုးသားသည် အသက် ၄၃ နှစ်ဝန်းကျင်ဖြစ်ပြီး နှစ် ၃၀ ကြာ ပန်းရံလုပ်နေသူတဦးဖြစ်သည်။

၎င်းဆောက်လိုက်သော လေယာဉ်ပုံအိမ်ကလေးသည် အကျယ်အဝန်း ၄ မီတာ၊ အရှည် ၂၀ မီတာနှင့် အမြင့် ၆ မီတာရှိသည်။

ကမ္ဘောဒီးယားနိုင်ငံ ဆိုင်ယမ်လစ်မြို့နှင့် ၄ ကီလိုမီတာအကွာ၌ ဖြစ်သည်။

၎င်းဘဝထဲတွင် လေယာဉ်ပျံကို တကြိမ်တခါမျှ မစီးဖူးသော်လည်း လေယာဉ်အတက်အဆင်းကို မကြာမကြာမြင်တွေ့ရာမှ လေယာဉ်ပုံစံအိမ်တည်ဆောက်ချင်သည့် ဆန္ဒထွက်ပေါ်လာခဲ့သည်ဟု သိရသည်။

၎င်း၏လေယာဉ်ပုံသဏ္ဍန် အိမ်ကလေးအတွင်း၌ အိပ်ခန်း ၂ ခန်း၊ သန့်စင်ခန်း ၂ ခန်းရှိပြီး ယခင်နှစ် မတ်လက စပြီးတည်ဆောက်ခဲ့ခြင်းဖြစ်သည်။

ထိုင်းဘတ်ငွေပမာဏ ၇ သိန်းခန့် အသုံးပြုထားပြီးဖြစ်ကာ ကော်ဖီဆိုင်ကိုလည်း တိုးချဲ့တည်ဆောက်သွားမည်ဖြစ်သည်။

ပြည်တွင်းပြည်ပ ခရီးသွားများ အထူးစိတ်ဝင်စားမှုကို ရရှိနေပြီး နိုင်ငံခြားသားများအတွက် အမေရိကန် ၁ ဒေါ်လာနှုန်းနှင့် ပြည်တွင်းခရီးသွားဧည့်သည်များအတွက် ကမ္ဘောဒီးယားငွေ ၂ ထောင် ကောက်ခံ၍ ဝင်ရောက်လည်ပတ်ခွင့်ပြုထားပါသည်။

Photos: AFP/Tang Chhin Sothy