ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
နော်ဝေနိုင်ငံအခြေစိုက် နော်ဝေစစ်တပ်၏ စစ်မှုထမ်းတစ်ဦးက တည်ထောင်ခဲ့သော NorArm Tactical ကုမ္ပဏီက အဖွဲ့ဝင်တစ်ဦးမှ မြန်မာနိုင်ငံရှိ တော်လှန်ရေးအဖွဲ့တစ်ဖွဲ့အား စစ်သင်တန်းပေးနေကြောင်း ဓာတ်ပုံနှင့်တကွ ဖော်ပြလာသည်။
ဓာတ်ပုံနှင့်အတူ “ ပဋိပက္ခဇုန်တစ်ခုထပ်ပွင့်နေပြီ။ NorArm က အလွန်ရင်းနှီးတဲ့ သူငယ်ချင်းတစ်ဦးက သူ့ရဲ့တိုက်ခိုက်ရေးအတွေ့အကြုံနှင့် ဆန်းသစ်မှုကို စစ်အာဏာရှင်အား တော်လှန်ဆန့်ကျင်နေသော အဖွဲ့ကို ကူညီပံ့ပိုးနိုင်ဖို့ မြန်မာနိုင်ငံကို သွားရောက်ခဲ့တယ်။ မြန်မာစစ်အစိုးရဟာ ကမ္ဘာပေါ်မှာ အရက်စက်ဆုံးနှင့် ဖိနှိပ်ချုပ်ချယ်မှုများ ပြုလုပ်သော စစ်အစိုးရတစ်ဖွဲ့အပါအဝင်ဖြစ်တယ်။ ၎င်းတို့ကို တော်လှန်တိုက်ခိုက်တာက ဂုဏ်ယူစရာတစ်ခုဖြစ်တယ်။ ပြီးတော့ ကလေးစစ်သားတွေမဟုတ်ကြဘူးဆိုတာကို သူကကျနော်တို့ကို ထောက်ပြပါတယ်။ ဒါက ကိစ္စသေးသေးလေးပါ (ဒါပေမယ့် ရက်စက်တယ်)။” ဟု NorArm Tactical က ရေးသားထားသည်။
