ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်တောင်ပိုင်း ဆီဆိုင်မြို့နယ် ၊ နောင်ထောဝ် ဒေသကို စစ်ကောင်စီက ယခုရက်ပိုင်းထဲ စစ်အင်အားအလုံးအရင်းလိုက်ဖြည့်တင်းနေပြီး စစ်ရေးတင်းမာမှုရှိနေတဲ့အတွက် ရွာခံတွေ နေရပ်စွန့်ခွာတိမ်းရှောင်နေကြရတယ်လို့ ဒေသခံတွေဆီက သိရပါတယ် ။
” တစ်ဖက်ကလည်း ရွာထဲဝင်လာပြီ တစ်ဖက်ကလဲ အင်အားအလုံးအရင်းနဲ့ ရွာနဲ့ နီးနေပြီဆိုတော့ ရွာမှာရှိတဲ့ ဆန်စက်ပိုင်ရှင်တွေကအစ စက်တွေဖြုတ်သိမ်းပြီး အကုန်ရှောင်တိမ်းနေကြပြီ ဘယ်သူမှလည်းမနေရဲတော့ဘူး ” လို့ နောင်ထောဝ် ဒေသခံတစ်ဦးကပြောပါတယ် ။
ပအိုဝ်း နဲ့ကရင်နီဒေသကာကွယ်ရေး PDF တပ်တွေနဲ့ စစ်ကောင်စီတပ် ပူးပေါင်းပါ PNO ပြည်သူ့စစ်တို့ထိပ်တိုက် စစ်ဖြစ်ပွားနိုင်တဲ့ အနေအထားမှာရှိနေတယ်လို့ သူကပြောပါတယ် ။
ပြီးခဲ့တဲ့ ရက်ပိုင်းအတွင်းကလည်း နောင်ထောဝ် ဒေသကကျေးရွာတွေကို စစ်ကောင်စီတပ်က ဒရုံးနဲ့ ဗုံးကြဲတိုက်ခိုက်တာတွေ ရှိတဲ့အတွက် ရွာခံတွေတောထဲ ထွက်ပြေးကြရတယ်လို့ သိရပါတယ် ။
လက်ရှိမှာ နောင်ထောဝ်ဒေသခံတွေဟာ စစ်ရှောင်ဖို့အတွက် တောထဲတောင်ထဲမှာ သွားရောက် နေထိုင်ကြတာရှိသလို ဆီဆိုင်မြို့ ဖက်ကိုလည်း စစ်ရှောင်လာတာရှိတယ် လို့ သတင်းရင်းမြစ်တွေဆီက သိရပါတယ် ။
နောင်ထောဝ်ဒေသဟာ အိမ်ခြေ ၆၀၀ ကျော်ရှိပြီး ကရင်နီပြည်က စစ်ရှောင်တွေ အများအပြား လာရောက်ခိုလှုံ နေတယ်လို့လည်း သိရပါတယ် ။
ပုံ – ၂၀၂၄ ခုနှစ် ဇန်နဝါရီလက နောင်ထောဝ်ဒေသခံများစစ်ရှောင်နေသည့် ပုံဟောင်း ။
